Malappuram
ദീര്‍ഘ വീക്ഷണത്തോടെയുള്ള പദ്ധതികള്‍ രൂപവത്കരിക്കാന്‍ പെരിന്തല്‍മണ്ണ നഗരസഭ
പെരിന്തല്‍മണ്ണ: പുതിയ സാമ്പത്തിക വര്‍ഷത്തില്‍ സുസ്ഥിര വികസനത്തിലൂന്നി ദീര്‍ഘ വീക്ഷണത്തോടെയുള്ള പദ്ധതികള്‍ രൂപവത്കരിക്കാന്‍ പെരിന്തല്‍മണ്ണ നഗരസഭ കര്‍മസമിതി പൊതുയോഗത്തില്‍ ധാരണയായി. ടൗണ്‍ ഹാളില്‍ സംഘടിപ്പിച്ച ചടങ്ങ് നഗരസഭ ചെയര്‍മാന്‍ എം മുഹമ്മദ് സലീം ഉദ്ഘാടനം ചെയ്തു. വാര്‍ഡ് അടിസ്ഥാനത്തില്‍ ഫണ്ട് വീതം വെക്കാതെ നഗരസഭയെ ഒറ്റ യൂനിറ്റായി കണക്കാക്കി എല്ലാ മേഖലകളിലേയും ആവശ്യങ്ങള്‍ സമഗ്രമായി പരിഗണിക്കുമെന്നും ചെയര്‍മാന്‍ പറഞ്ഞു. ഉത്പാദന മേഖലയുടെ സ്ഥായിയായ വളര്‍ച്ചക്ക് പ്രോത്സാഹനം നല്‍കാന്‍ ഭക്ഷ്യവിളകള്‍, പാല്‍, മുട്ട, മത്സ്യം മാംസം എന്നിവയുടെ ഉത്പാദനം വര്‍ധിപ്പിക്കും. ഉത്പന്നങ്ങളുടെ ശേഖരണം സംസ്‌കരണം, വിപണനം എന്നിവക്ക് ആവശ്യമായ സഹായം ലഭ്യമാക്കും. പരിസ്ഥിതി, പ്രകൃതി വിഭവങ്ങളുടെ സംരക്ഷണത്തിന് പദ്ധതികള്‍ നടപ്പാക്കും. മാലിന്യ പരിപാലനത്തിന് കര്‍മ പദ്ധതി രൂപവത്കരിച്ച് ആരോഗ്യ സേനയുടെ സഹായത്തോടെ സമ്പൂര്‍ണ ആരോഗ്യനഗരമാക്കി പെരിന്തല്‍മണ്ണയെ മാറ്റും. ഇതിനാവശ്യമായ തുക വകയിരുത്തും. വിദ്യാഭ്യാസം, തൊഴില്‍ പരിശീലനം തുടങ്ങിയലക്ഷ്യങ്ങള്‍ക്കായി അടിസ്ഥാന സൗകര്യങ്ങള്‍ ആധുനിക വത്കരിക്കുന്നതിനും പദ്ധതി വിഭാവനം ചെയ്യും.
വൈസ് ചെയര്‍പേഴ്‌സണ്‍ നിഷി അനില്‍ രാജ് അധ്യക്ഷത വഹിച്ചു.
Latest
വോട്ടിന് പണം ; സുരേഷ് ഗോപി നാടിനെ നാണം കെടുത്തിയെന്ന് വി സ് സുനില്‍കുമാര്‍
പാപിയുടെ കൂടെക്കൂടിയാല്‍ ശിവനും പാപിയാകും; ആളെ പറ്റിക്കാന്‍ നടക്കുന്നവരുമായുള്ള കൂട്ട്‌കെട്ട് ഇപി ജയരാജന്‍ ഒഴിവാക്കണമെന്ന് മുഖ്യമന്ത്രി
ജനാധിപത്യത്തെ സംരക്ഷിക്കാനായി വോട്ട് രേഖപ്പെടുത്തണമെന്ന് രാഹുല്‍ ഗാന്ധി
വോട്ടിങ് യന്ത്രത്തിലെ തകരാര്‍; വയനാട്ടില്‍ അഞ്ചിടത്ത് പോളിങ് വൈകി
പത്തനംതിട്ടയില്‍ താമര ചിഹ്നത്തിന് വലിപ്പം കൂടുതലെന്ന് ആക്ഷേപം
ദല്ലാള്‍ നന്ദകുമാറിനൊപ്പം പ്രകാശ് ജാവദേക്കറെ കണ്ടിട്ടുണ്ട്; ആരോപണങ്ങള്‍ ഗൂഢാലോചന: ഇ പി ജയരാജന്‍
