Kerala
തദ്ദേശ തിരഞ്ഞെടുപ്പ്: സ്ഥാനാര്‍ത്ഥി നിര്‍ണയത്തിന് മാര്‍ഗരേഖയുമായി കോണ്‍ഗ്രസ്
തിരുവനന്തപുരം: തദ്ദേശ തിരഞ്ഞെടുപ്പില്‍ കോണ്‍ഗ്രസ് സ്ഥാനാര്‍ത്ഥി നിര്‍ണയത്തിന് കെപിസിസിയുടെ മാര്‍ഗരേഖ. വൈസ് പ്രസിഡന്റ് വി ഡി സതീശന്റെ നേതൃത്വത്തിലുള്ള അഞ്ചംഗ സമിതിയാണ് മാര്‍ഗരേഖ തയ്യാറാക്കിയത്. സ്ത്രീപീഡന കേസുകളില്‍ പ്രതികളായവര്‍ക്കും ക്രിമിനലുകള്‍ക്കും സീറ്റ് നല്‍കരുത്, ജനറല്‍ സീറ്റുകളില്‍ സ്ത്രീകളെ മത്സരിപ്പിക്കേണ്ടതില്ല, ഭാര്യാ ഭര്‍ത്താക്കന്‍മാര്‍ മാറി മാറി മത്സരിക്കുന്ന പ്രവണത ഇല്ലാതാക്കണം തുടങ്ങിയവയാണ് പ്രധാന നിര്‍ദേശങ്ങള്‍.
ഡിസിസി, കെപിസിസി ഭാരവാഹികള്‍ക്ക് മത്സരിക്കാന്‍ ആഗ്രഹമുണ്ടെങ്കില്‍ ബന്ധപ്പെട്ട കമ്മിറ്റികളെ അറിയിക്കണം. സ്ഥാനാര്‍ത്ഥിത്വം അംഗീകരിച്ചാലേ മത്സരിക്കാന്‍ പാടുള്ളൂ. ഗ്രാമപഞ്ചായത്തിലെ സ്ഥാനാര്‍ത്ഥികളെ വാര്‍ഡ് തലത്തില്‍ തന്നെ നിശ്ചയിക്കണം. തര്‍ക്കം ഉണ്ടാവുകയാണെങ്കില്‍ മണ്ഡലം തല സമിതികള്‍ രൂപീകരിക്കണം. അഴിമതിക്കാര്‍, ക്രിമിനലുകള്‍, സ്വഭാവദൂഷ്യം ആരോപിക്കപ്പെട്ടവര്‍, മദ്യപാനികള്‍, കഴിഞ്ഞ അഞ്ച് വര്‍ഷത്തിനിടെ പാര്‍ട്ടി നടപടി നേരിട്ടവര്‍ തുടങ്ങിയവരെ മത്സരിപ്പിക്കരുതെന്നും റിപ്പോര്‍ട്ട് ശിപാര്‍ശ ചെയ്യുന്നു.
Latest
ട്രാഫിക് പിഴയിൽ ഇളവ് പ്രഖ്യാപിച്ച് ഷാർജ
തുല്യനീതിക്കായാണ് കീം പ്രോസ്പ്രക്ടസില്‍ മാറ്റം വരുത്തിയത്; കോടതി വിധിയില്‍ ക്യാബിനറ്റുമായി കൂടിയാലോചിച്ച് നടപടിയെന്ന് മന്ത്രി ആര്‍ ബിന്ദു
ആമസോൺ തടത്തിലെ പാരിസ്ഥിതിക കുറ്റകൃത്യം: 94 പേരെ യു എ ഇ അറസ്റ്റ് ചെയ്തു
ലോഡുമായി പോകുന്നതിനിടെ ലോറിയുടെ ബ്രേക്ക് നഷ്ടപ്പെട്ടു; രക്ഷപ്പെടാന്‍ പുറത്തേക്ക് ചാടിയ ഡ്രൈവര്‍ അതേ ലോറി കയറി മരിച്ചു
ജപ്തി ഭീഷണിയെ തുടര്‍ന്ന് ഗൃഹനാഥന്‍ ജീവനൊടുക്കിയ സംഭവം; 15 ദിവസം സാവകാശം ചോദിച്ചിട്ടും ബേങ്ക് നല്‍കിയില്ലെന്ന് മധുവിന്റെ സഹോദരന്‍
കീം പരീക്ഷ ഫലം ഹൈക്കോടതി റദ്ദാക്കി
