കോഴിക്കോട്: മതപ്രബോധകര്‍ ഗവേഷണത്തില്‍ കൂടുതല്‍ ശ്രദ്ധ പതിപ്പിക്കണമെന്ന് മര്‍കസ ്ഗാര്‍ഡന്‍ ഡയറക്ടര്‍ ഡോ. മുഹമ്മദ് അബ്ദുല്‍ ഹകീം അസ്ഹരി. പൂനൂര്‍ മര്‍കസ് ഗാര്‍ഡനില്‍ നടന്ന ആലുംനി മീറ്റും അനുമോദന സംഗമവും ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
ചടങ്ങില്‍ ജര്‍മ്മന്‍ എക്‌സലന്‍സി ഫെല്ലോഷിപ്പ് നേടിയ ഇ പി എം സ്വാലിഹ് നൂറാനി, യു ജി സി, ജെ ആര്‍ എഫ്, നെറ്റ് ജേതാക്കള്‍, ജാമിഅതുല്‍ഹിന്ദ് അല്‍ഇസ്‌ലാമിയ്യ, മര്‍കസുസ്സഖാഫത്തിസ്സുന്നിയ്യ റാങ്ക് ജേതാക്കള്‍ എന്നിവരെ അനുമോദിച്ചു. സയ്യിദ് മശ്ഹൂര്‍ ആറ്റക്കോയ തങ്ങള്‍ അധ്യക്ഷനായിരുന്നു. വി ബീരാന്‍കുട്ടി ഫൈസി, അബൂസ്വാലിഹ് സഖാഫി, മുഹമ്മദ് സഖാഫി സംബന്ധിച്ചു.
