Kerala
സേട്ടുവിനെ ആദരിക്കുന്നത് ലീഗിന്റെ പാപ്പരത്തം: ഐ എന്‍ എല്‍
കോഴിക്കോട്: മുസ്‌ലിംലീഗിന്റെ ആദര്‍ശ പാപ്പരത്തം തുറന്നുകാട്ടിയതില്‍ പുറത്താക്കപ്പെട്ട ഇബ്‌റാഹീം സുലൈമാന്‍ സേട്ടുവിനെ അതേ പാര്‍ട്ടി ആദരിക്കുന്നതും അനുസ്മരിക്കുന്നതും പരിഹാസ്യവും അല്‍പ്പത്തരവുമാണെന്ന് ഐ എന്‍ എല്‍ സംസ്ഥാന പ്രവര്‍ത്തക സമിതി. സേട്ടുവിനെ അനുസ്മരിക്കണമെന്ന് ഇപ്പോള്‍ ലീഗിന് തോന്നുന്നത് ആത്മാര്‍ഥയോടെയാണെങ്കില്‍ സേട്ടുവിനോട് ചെയ്തതെല്ലാം തെറ്റായിരുന്നുവെന്ന് സമ്മതിക്കണം. ഇല്ലെങ്കില്‍ അവഹേളിക്കലായി മാറും. സേട്ടുവിനെ അവഹേളിച്ചാല്‍ പാര്‍ട്ടി പ്രവര്‍ത്തകര്‍ അത് നോക്കിനില്‍ക്കില്ലെന്നും സംസ്ഥാന പ്രവര്‍ത്തക സമിതി മുന്നറിയിപ്പ് നല്‍കി. കരിപ്പൂര്‍ എയര്‍പോര്‍ട്ടിനെ തകര്‍ക്കാന്‍ ഉന്നതങ്ങളില്‍ നടക്കുന്ന ഗൂഢാലോചന പുറത്തുകൊണ്ടുവരാന്‍ ജൂലൈ അവസാനത്തില്‍ വാഹന ജാഥകള്‍ നടത്താനും തീരുമാനിച്ചു. സംസ്ഥാന പ്രസിഡന്റ് എസ് എ പുതിയവളപ്പില്‍ അധ്യക്ഷത വഹിച്ചു. അഹമ്മദ് ദേവര്‍കോവില്‍, എ പി അബ്ദുല്‍ വഹാബ്, കെ പി ഇസ്മാഈല്‍, എന്‍ കെ അബ്ദുല്‍ അസീസ്, എം എ ലത്വീഫ്, കാസിം ഇരിക്കൂര്‍, ബശീര്‍ ബടേരി, കോതൂര്‍ മുഹമ്മദ്, അസീസ് കടപ്പുറം, മുഹമ്മദ് പുറക്കാട് എം ശര്‍മത്ഖാന്‍, മുഹമ്മദ് പഞ്ചാര പ്രസംഗിച്ചു.
Latest
രാഹുലിന് പക്വത ഇല്ലെങ്കില്‍ കോണ്‍ഗ്രസിലെ അറിവുള്ള നേതാക്കള്‍ ഉപദേശിച്ചുകൊടുക്കണം ; ഇപി ജയരാജന്‍
എഐസിസി സെക്രട്ടറി തജീന്ദര്‍ സിങ്ങ് ബിട്ടു ബിജെപിയില്‍ ചേര്‍ന്നു
നുണക്ക് സമ്മാനമുണ്ടെങ്കിൽ ഒന്നാം സ്ഥാനം പ്രതിപക്ഷനേതാവിന്; മുഖ്യമന്ത്രി പിണറായി വിജയന്‍
അമേഠിക്ക് ശേഷം കോണ്‍ഗ്രസിന്റെ രാജകുമാരന്‍ വയനാട്ടിലും തോല്‍ക്കും; മറ്റൊരു മണ്ഡലം തേടിപ്പോകും: നരേന്ദ്ര മോദി
കോഴിക്കോട് പെരുവയലില്‍ വീട്ടിലെ വോട്ടില്‍ ക്രമക്കേടെന്ന് പരാതി
സുഗന്ധഗിരി മരംമുറിക്കല്‍ കേസ്; ഡിഎഫ്ഒക്കെതിരായ നടപടി മരവിപ്പിച്ചത് നടപടിക്രമങ്ങളിലെ പാളിച്ചയെ തുടര്‍ന്നെന്ന് മന്ത്രി
