Kozhikode
കണ്ണഞ്ചേരി - മിനി ബൈപ്പാസ് റോഡ് ഉദ്ഘാടനം ചെയ്തു
കോഴിക്കോട്: അഞ്ച് കോടി രൂപ ചെലവിട്ട് സൗത്ത് മണ്ഡലത്തിന്റെ വിവിധ ഭാഗങ്ങളിലായി ഇരുപതോളം ഡ്രൈനേജുകള്‍ നവീകരിക്കുമെന്ന് സാമൂഹിക നീതി മന്ത്രി എം കെ മുനീര്‍. നവീകരിച്ച കണ്ണഞ്ചേരി – മിനി ബൈപ്പാസ് റോഡിന്റെ ഉദ്ഘാടനം നിര്‍വഹിക്കുകയായിരുന്നു മുനീര്‍. കണ്ണഞ്ചേരിയില്‍ നിന്ന് നേരിട്ട് മീഞ്ചന്ത മിനി ബൈപ്പാസിലേക്കെത്തുന്ന ഒരു കിലോമീറ്റര്‍ ദൂരം 1.4 കോടി രൂപ ചെലവിലാണ് നിര്‍മിച്ചിട്ടുളളത്. റോഡിന്റെ 100 മീറ്ററോളം ഭാഗത്ത് ഡ്രൈനേജ് പൂര്‍ത്തീകരിക്കാനുണ്ട്. പൊതുമരാമത്ത് വകുപ്പിന്റെ ഫണ്ട് ഉപയോഗിച്ച് ഈ ഭാഗവും പൂര്‍ത്തീകരിക്കും. കൂടാതെ പന്നിയങ്കര – തിരുവണ്ണൂര്‍ റോഡ് നവീകരണ പ്രവര്‍ത്തി ജൂലൈയില്‍ ആരംഭിക്കുമെന്നും മുനീര്‍ പറഞ്ഞു.
നഗരത്തിന്റെ സമഗ്ര വികസനമാണ് ലക്ഷ്യമെന്നും മന്ത്രി കൂട്ടിച്ചേര്‍ത്തു. കണ്ണഞ്ചേരി ബസ്റ്റോപ്പിന് സമീപം നടന്ന ചടങ്ങില്‍ മേയര്‍ എ കെ പ്രേമജം അധ്യക്ഷയായിരുന്നു. കെ യു ആര്‍ ഡി എഫ് സി ചെയര്‍മാന്‍ കെ മൊയ്തീന്‍ കോയ, കോര്‍പറേഷന്‍ വിദ്യാഭ്യാസ, കായിക സ്റ്റാന്‍ഡിംഗ് കമ്മിറ്റി ചെയര്‍പേഴ്‌സണ്‍ പി ഉഷാദേവി, കൗണ്‍സിലര്‍മാരായ അഡ്വ. എ വി അന്‍വര്‍, എം സി സുധാമണി, കെ പി അബ്ദുല്ലകോയ, പൊതുമരാമത്ത് വകുപ്പ് എക്‌സി. എന്‍ജിനീയര്‍ എന്‍ വി ഹബീബ് റഹ്മാന്‍, സൂപ്രണ്ടിംഗ് എന്‍ജിനീയര്‍ കെ വി ആസിഫ്, അസി. എക്‌സി. എന്‍ജിനീയര്‍ പി പി സന്തോഷ്‌കുമാര്‍ പ്രസംഗിച്ചു.
Latest
അടുത്ത അഞ്ചു ദിവസം കാറ്റും മഴയും
അഹമ്മദാബാദ് വിമാന ദുരന്തത്തിനു കാരണം ഇന്ധന നിയന്ത്രണ സ്വിച്ച് ഓഫ് ആയതെന്ന് പ്രാഥമിക അന്വേഷണ റിപ്പോര്‍ട്ട്
പാര്‍ട്ടിക്കുമേലെ വളരാന്‍ ശ്രമിക്കുന്ന വി ടി ബല്‍റാമിനെ പിടിച്ചു പുറത്താക്കണമെന്ന് ആവശ്യം
മഴ നനയാതിരിക്കാന്‍ ടിപ്പര്‍ ലോറിക്കു സമീപം നിന്ന യുവാവ് അപകടത്തില്‍ മരിച്ചു
ഓണ്‍ലൈന്‍ വഴി മയക്കുമരുന്നു വില്‍പ്പന നടത്തുന്ന യുവാവും യുവതിയും പിടിയില്‍
ബി ജെ പി ഭാരവാഹി പട്ടിക: പുതുതായി ചേക്കേറിയവര്‍ താക്കോല്‍ സ്ഥാനങ്ങളില്‍; പരമ്പരാഗത സംഘപരിവാറുകാര്‍ക്ക് അതൃപ്തി
