National
മോദി ഭരണം അടിയന്തരാവസ്ഥയേക്കാള്‍ ഭീകരം: മമത
കൊല്‍ക്കത്ത: പ്രധാനമന്ത്രി നരേന്ദ്ര മോദിക്കെതിരെ രൂക്ഷ വിമര്‍ശമുന്നയിച്ച് പശ്ചിമ ബംഗാള്‍ മുഖ്യമന്ത്രി മമതാ ബാനര്‍ജി വീണ്ടും രംഗത്ത്. നരേന്ദ്ര മോദിയുടെ ഭരണം അടിയന്തരാവസ്ഥ കാലത്തേക്കാള്‍ ഭീകരമാണെന്നും ഭരണകൂടം ജനങ്ങളെ ഭയപ്പെടുത്തുകയാണെന്നും അവര്‍ പറഞ്ഞു.
ജനാധിപത്യത്തെ തകര്‍ക്കുന്ന രീതിയാണ് സര്‍ക്കാറിന്റെത്. കാര്‍ഗ്പൂര്‍ കോളജ് ഗ്രൗണ്ടില്‍ നടന്ന പൊതുസമ്മേളനത്തില്‍ സംസാരിക്കുകയായിരുന്നു അവര്‍. ഭൂമിയേറ്റെടുക്കലിലെ നിയന്ത്രണങ്ങള്‍ നീക്കാന്‍ കേന്ദ്ര സര്‍ക്കാര്‍ ഓര്‍ഡിനന്‍സ് കൊണ്ടുവന്നിരിക്കുന്നു. ഇതിലൂടെ കര്‍ഷകരുടെ ഭൂമി ബലം പ്രയോഗിച്ച് പിടിച്ചെടുക്കുക്കാന്‍ സര്‍ക്കാറിന് സാധിക്കും. ഇതിനെ എതിര്‍ക്കാന്‍ നിങ്ങളുടെ കൂടെ താനുമുണ്ടാകും. ജീവനുള്ള കാലത്തോളം ബലം പ്രയോഗിച്ച് ഭൂമി പിടിച്ചെടുക്കാന്‍ സമ്മതിക്കില്ലെന്നും ആവേശഭരിതയായി മമത പറഞ്ഞു. ഭൂമി പിടിച്ചെടുക്കുന്നതിന് സര്‍ക്കാര്‍ ഏതു നിയമം നടപ്പിലാക്കിയാലും പശ്ചിമ ബംഗാളില്‍ അതു നടപ്പാക്കാന്‍ അനുവദിക്കില്ലെന്നും മമത കൂട്ടിച്ചേര്‍ത്തു.
Latest
നിമിഷ പ്രിയയുടെ മോചനം; മാപ്പപേക്ഷയുമായി അമ്മ യമനിലേക്കു പുറപ്പെട്ടു
ആദ്യഘട്ടം തെരഞ്ഞെടുപ്പിനിടെ സ്ഫോടനം; കേന്ദ്രസേന ഉദ്യോഗസ്ഥന് വീരമൃത്യു
പ്രിയങ്ക ഗാന്ധി ഇന്ന് കേരളത്തില്; നാല് പരിപാടികളില് പങ്കെടുക്കും
രാഹുല് ഗാന്ധിയുടെ പരിപാടിയില് ലീഗ് കൊടി ഉയര്ത്തി; വണ്ടൂരില് സംഘര്ഷം
കോട്ട തിരിച്ചുപിടിക്കാൻ യാദവ കുടുംബം ഒറ്റക്കെട്ട്
റെഡ്ഢിമാരും റാവുമാരും ഉഴുതുമറിച്ച തെലുങ്ക് മണ്ണ്
