Kozhikode
ത്രിതല പഞ്ചായത്ത് പദ്ധതികള്‍ സമയബന്ധിതമായി ആവിഷ്‌കരിക്കണം
കോഴിക്കോട്: ത്രിതല പഞ്ചായത്തുകള്‍ 2015- 16 ലേക്ക് വികസനോന്മുഖ പദ്ധതികള്‍ സമയബന്ധിതമായി ആസൂത്രണം ചെയ്ത് നടപ്പാക്കണമെന്ന് ജില്ലാ പഞ്ചായത്ത് പ്രസിഡന്റ് കാനത്തില്‍ ജമീല. ജില്ലാ പഞ്ചായത്ത് വര്‍ക്കിംഗ് ഗ്രൂപ്പ് ജനറല്‍ ബോഡി യോഗം ഉദ്ഘാടനം ചെയ്യുകയായിരുന്നു അവര്‍.
ജില്ലയില്‍ ഗുണനിലവാരമുള്ള പാല്‍ ലഭ്യമാക്കുന്നതിന് കൂത്താളി കൃഷി ഫാമില്‍ ഹൈടെക് ഡയറി യൂനിറ്റ് സ്ഥാപിക്കുന്നതിന് നടപടികളെടുക്കും. ക്ഷീരഗ്രാമം പദ്ധതിയുടെ ഭാഗമായാണ് ഡയറി യൂനിറ്റ് സ്ഥാപിക്കുന്നത്. ചെരണ്ടത്തൂര്‍ചിറ, ആവളപ്പാണ്ടി എന്നീ കോള്‍നിലങ്ങളുടെ വികസനത്തിന് പദ്ധതികള്‍ ആസൂത്രണം ചെയ്യും.
ചാത്തമംഗലം, കുന്നമംഗലം, മാവൂര്‍, പെരുവയല്‍, മുക്കം പഞ്ചായത്തുകളില്‍ ആരംഭിച്ച മുട്ടഗ്രാമം പദ്ധതി ജില്ലയിലെ ഇതര പഞ്ചായത്തുകളിലേക്കും വ്യാപിപ്പിക്കും. പേരാമ്പ്ര, കൂത്താളി ഫാമുകളിലുള്ള മേല്‍ത്തരം പച്ചക്കറി വിത്തുകള്‍ എല്ലാ പഞ്ചായത്തുകളിലും വിതരണം ചെയ്യും. പരിസ്ഥിതിക്കനുയോജ്യമായ ചെറുകിട സംരംഭങ്ങള്‍ തുടങ്ങാന്‍ സഹായം നല്‍കും. പഞ്ചായത്ത് റോഡുകളുടെ ശോച്യാവസ്ഥ പരിഹരിക്കാന്‍ നടപടികളെടുക്കും. നിലവില്‍ ജില്ലയില്‍ 15 വര്‍ക്കിംഗ് ഗ്രൂപ്പുകളാണുള്ളത്. ഇവര്‍ സമര്‍പ്പിക്കുന്ന വിവിധ പദ്ധതികള്‍ക്ക് സംസ്ഥാനതല പരിശോധനകള്‍ക്ക് ശേഷം ജില്ലാ പ്ലാനിംഗ് കമ്മിറ്റിയാണ് അന്തിമാനുമതി നല്‍കുന്നത്.
ജില്ലാ പഞ്ചായത്ത് വൈസ് പ്രസിഡന്റ് ആര്‍ ശശി അധ്യക്ഷത വഹിച്ചു. ജില്ലാ പഞ്ചായത്ത് സെക്രട്ടറി എം സലീം, വികസനകാര്യ സ്റ്റാന്‍ഡിംഗ് കമ്മിറ്റി ചെയര്‍പേഴ്‌സണ്‍ ടി കെ തങ്കമണി, പൊതുമരാമത്ത് സ്റ്റാന്‍ഡിംഗ് കമ്മിറ്റി ചെയര്‍മാന്‍ പി ജി ജോര്‍ജ്, വിദ്യാഭ്യസ സ്റ്റാന്‍ഡിംഗ് കമ്മിറ്റി ചെയര്‍പേഴ്‌സണ്‍ കെ പി ഷീബ, ക്ഷേമകാര്യ സ്റ്റാന്‍ഡിംഗ് കമ്മിറ്റി ചെയര്‍പേഴ്‌സണ്‍ സി വി എം നജ്മ പ്രസംഗിച്ചു.
Latest
എറണാകുളം ദര്‍ബാര്‍ ഹാള്‍ ആര്‍ട്ട് ഗാലറിയില്‍ കലാസൃഷ്ടികള്‍ കീറി നശിപ്പിച്ചു
സ്വകാര്യ പണമിടപാട് സ്ഥാപനത്തിലെ ജീവനക്കാര്‍ വീട്ടില്‍ കയറി മര്‍ദ്ദിച്ചതായി പരാതി
ഫ്രഷ് കട്ട് പ്രതിഷേധം; പരീശീലനം നേടിയ ജില്ലക്കു പുറത്തുള്ള എസ് ഡി പി ഐക്കാര്‍ നുഴഞ്ഞുകയറി കലാപം അഴിച്ചുവിട്ടതായി സി പി എം
മുഖ്യമന്ത്രി നേരിട്ടു വിളിച്ചു; പരാതിക്കാര്‍ക്ക് ആശ്വാസം
വേട്ടനായ്ക്കളും ഷൂട്ടര്‍മാരും അണിനിരന്ന് കാട്ടുപന്നികളെ കൂട്ടത്തോടെ കൊന്നൊടുക്കി
രാഷ്ട്രപതിയുടെ സന്ദര്‍ശനം; സുരക്ഷാ വീഴ്ചയില്ലെന്ന് പോലീസ് മേധാവി
