National
ഡല്‍ഹിയിലെ കുടിയൊഴുപ്പിച്ച ചേരിനിവാസികള്‍ക്ക് രാഹുല്‍ ഗാന്ധിയുടെ പിന്തുണ
ന്യൂഡല്‍ഹി: ദക്ഷിണ ഡല്‍ഹിയില്‍ നിന്ന് കുടിയൊഴുപ്പിക്കപ്പെട്ട ചേരി നിവാസികള്‍ക്ക് പിന്തുണയര്‍പ്പിച്ച് കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധി രംഗത്ത്. കഴിഞ്ഞ ദിവസമാണ് ദക്ഷിണ ഡല്‍ഹിയിലെ രാങ്പൂര്‍, പഹാഡി ചേരികളിലെ വീടുകള്‍ അധികൃതര്‍ പൊളിച്ചത്. ചേരിയില്‍ അദ്ദേഹം സന്ദര്‍ശനം നടത്തി. ചേരികളിലെ പാവങ്ങളെ ഒഴിപ്പിക്കണമെങ്കില്‍ ആദ്യം തന്റെ നെഞ്ചത്ത് കൂടി ബുള്‍ഡോസര്‍ കയറ്റേണ്ടിവരുമെന്ന് രാഹുല്‍ ഗാന്ധി പറഞ്ഞു. ഈ പ്രശ്‌നം കോണ്‍ഗ്രസ് വെറുതെ വിടില്ല. ഒരു ശ്രമം വിജയിച്ചു. ഇനിയും കുടിയൊഴുപ്പിക്കാന്‍ സമ്മതിക്കില്ലെന്നും രാഹുല്‍ പറഞ്ഞു. ചേരിയില്‍ സന്ദര്‍ശനം നടത്തിയ രാഹുലിനോട് നിരവധിയാളുകളാണ് പരാതി പറയാന്‍ എത്തിയത്.
വനം കൈയേറ്റം ഒഴിപ്പിക്കാനെന്ന പേരിലാണ് ചേരി ഇടിച്ചു നിരത്തിയത്. ദേശീയ ഹരിത ട്രിബ്യൂണല്‍ ഉത്തരവ് പ്രകാരമായിരുന്നു നടപടി. 400 ഓളം വീടുകള്‍ തകര്‍ത്തതോടെ കിടക്കാനോ കുളിക്കാനോ പ്രാഥമിക കൃത്യങ്ങള്‍ നിര്‍വഹിക്കാനോ സ്ഥലമില്ലാതെ 2000ല്‍ അധികം ആളുകളാണ് തകര്‍ന്ന കെട്ടിങ്ങള്‍ക്കിടയില്‍ കഴിയുന്നത്. ഡല്‍ഹിയില്‍ ശക്തമായ തണുപ്പ് ആരംഭിക്കാനിരിക്കെ വീടുകള്‍ തകര്‍ത്തത് ചേരി നിവാസികളെ കൂടുതല്‍ ദുരിതത്തിലാക്കും.
Latest
ലോക്‌സഭ തിരഞ്ഞെടുപ്പിന് സ്വകാര്യ മേഖലയിലെ ജീവനക്കാര്‍ക്ക് അവധി
കെഎസ്ഇബി മുന്നറിയിപ്പില്ലാതെ വൈദ്യുതി വിച്ഛേദിച്ചു ; കോഴിഫാമിലെ 1500 കോഴികള്‍ ചത്തതായി പരാതി
മഹാരാഷ്ട്ര സഹകരണബേങ്ക് തട്ടിപ്പ്; അജിത്പവാറിന് ക്ലീന്‍ചിറ്റ് നല്‍കി അന്വേഷണ സംഘം
പ്രായപൂര്‍ത്തിയാകാത്ത വിദ്യാര്‍ഥിനിയെ പീഡിപ്പിച്ച 65കാരന്‍ അറസ്റ്റില്‍
മണിപ്പൂരില്‍ വീണ്ടും സ്‌ഫോടനം; പാലം തകര്‍ന്നു, പരുക്കോ മരണമോ റിപ്പോര്‍ട്ട് ചെയ്തിട്ടില്ല
വൈദ്യപരിശോധനയ്ക്ക് എത്തിച്ചപ്പോള്‍ പോലീസ് കസ്റ്റഡിയില്‍ നിന്നും ഓടി രക്ഷപ്പെട്ട പ്രതി രണ്ട് ദിവസത്തിന് ശേഷം കീഴടങ്ങി
