Gulf
കാലു വേദനക്ക് പോലും ദുബൈ ആംബുലന്‍സിലേക്ക് വിളിയെത്തി!
ദുബൈ: ചെറിയ കാലു വേദനക്ക് പോലും ദുബൈ ആംബുലന്‍സ് സര്‍വീസിലേക്ക് ആളുകള്‍ വിളിച്ചതായി അധികൃതര്‍ വെളിപ്പെടുത്തി.
ഇത്തരം നിസാര കാര്യങ്ങള്‍ക്കായി ആളുകള്‍ ആംബുലന്‍സ് സര്‍വീസിലേക്കു വിളിക്കുന്നത് സമയവും അധ്വാനവും നഷ്ടപ്പെടുത്തുകയാണെന്ന് ദുബൈ ആംബുലന്‍സ് കോര്‍പറേഷന്‍ ഫോര്‍ ആംബുലന്‍സ് സര്‍വീസസ് (ഡി സി എ എസ്) സി ഇ ഒ ഖലീഫ ബിന്‍ ദാരി വെളിപ്പെടുത്തി. ഇത്തരം നിസാര കാര്യങ്ങള്‍ക്കായി പതിനായിരത്തില്‍ അധികം കോളുകളാണ് ആംബുലന്‍സ് സര്‍വീസ് സെന്ററിലേക്ക് എത്തിയത്. ഇതുമൂലം 1,340 പ്രവര്‍ത്തി മണിക്കൂര്‍ നഷ്ടമായി.
കഴിഞ്ഞ ആറു മാസങ്ങള്‍ക്കിടയില്‍ 9,898 പരുക്കേറ്റവരെ ആശുപത്രിയില്‍ എത്തിക്കാന്‍ ശ്രമിച്ചെങ്കിലും ആംബുലന്‍സ് സര്‍വീസിനെക്കുറിച്ച് പൊതുജനങ്ങള്‍ക്കിടയില്‍ വേണ്ടത്ര ബോധവത്ക്കരണം ഇല്ലാത്തതിനാല്‍ നിഷേധിക്കുകയായിരുന്നു.
പാരാമെഡിക്കല്‍ ജീവനക്കാരില്‍ ഇത്തരം സമീപനം അല്‍ഭുതമാണ് സൃഷ്ടിച്ചത്. പരുക്കേറ്റവരില്‍ ചിലര്‍ നല്ല രീതിയില്‍ ചോദ്യങ്ങളോട് പ്രതികരിക്കാന്‍ പോലും തയ്യാറായില്ല. പലര്‍ക്കും ആംബുലന്‍സിന് അകത്ത് കയറാന്‍ മടിയായിരുന്നുവെന്നും അദ്ദേഹം പറഞ്ഞു.
Latest
ചരക്ക് ട്രെയിനിന് തീപ്പിടിച്ച സംഭവത്തിൽ അട്ടിമറി സാധ്യത പരിശോധിക്കുന്നു; പാളത്തിൽ വിള്ളൽ കണ്ടെത്തി
ദുബൈയില്‍ കരാര്‍ മേഖലക്ക് പുതിയ നിയമം; നഗരവികസന, സാമ്പത്തിക വളര്‍ച്ചക്കായി വ്യക്തമായ ചട്ടക്കൂട് രൂപപ്പെടുത്തുക ലക്ഷ്യം
ഹൃദയാഘാതത്തെ തുടര്‍ന്ന് യുവാവ് റോഡില്‍ കുഴഞ്ഞുവീണു; യാദൃച്ഛികമായി എത്തിയ ഡോക്ടര്‍ രക്ഷകനായി
മണ്ണാര്‍ക്കാട് സി പി എം ഏരിയാ കമ്മിറ്റി ഓഫീസിനു നേരെ പടക്കമേറ്; സി പി എം പ്രവര്‍ത്തകന്‍ അറസ്റ്റില്‍
അല്‍ നഹ്ദയില്‍ മലയാളി യുവതിയും കുഞ്ഞും മരിച്ച സംഭവം: ഫോറന്‍സിക് റിപോര്‍ട്ട് പുറത്ത്
യോഗ്യതയില്ലാത്ത വിദേശ നിക്ഷേപകര്‍ക്ക് ക്രെഡിറ്റ് സൂയിസ് ബോണ്ടുകള്‍ വിറ്റു; എച്ച് ഡി എഫ് സി ബേങ്കിനെതിരെ ഇന്ത്യയില്‍ അന്വേഷണം
