Kozhikode
പതിനാലുകാരിയെ പീഡിപ്പിച്ച കേസില്‍ മൂന്ന് പേര്‍ അറസ്റ്റില്‍
വടകര: പതിനാലുകാരിയെ പീഡിപ്പിച്ച് എന്ന പരാതിയില്‍ മൂന്ന് പേര്‍ അറസ്റ്റില്‍.
കോട്ടപ്പള്ളി തയ്യില്‍ മീത്തല്‍ ടി എം ദാമു (56), മേമുണ്ട താഴെ കുനിങ്ങാടന്‍ കണ്ടി ടി കെ കരുണന്‍ (48), ചെമ്മരത്തൂര്‍ മീങ്കണ്ടി താഴ കിഴക്കയില്‍ ശ്രീധരക്കുറുപ്പ് (64) എന്നിവരെയാണ് വടകര സി ഐ സജു കെ എബ്രഹാം അറസ്റ്റ് ചെയ്തത്. പ്രതികളെ കോഴിക്കോട്് പ്രിന്‍സിപ്പല്‍ സെഷന്‍സ് കോടതി റിമാന്‍ഡ് ചെയ്തു.
മേമുണ്ട ഹൈസ്‌കൂള്‍ ഒമ്പതാം ക്ലാസ് വിദ്യാര്‍ഥിനിയാണ് രണ്ട് വര്‍ഷത്തോളം പല സ്ഥലങ്ങളിലായി പീഡിപ്പിക്കപ്പെട്ടത്. ശ്രീധരക്കുറുപ്പ് ജോലി ചെയ്യുന്ന മേമുണ്ടയിലെ കൃഷ്ണ ഹോട്ടലിന്റെ പിന്‍ഭാഗത്ത് വെച്ചും ഒഴിഞ്ഞ പറമ്പില്‍ വെച്ചും പീഡിപ്പിച്ചതായി വിദ്യാര്‍ഥിനി പോലീസില്‍ മൊഴി നല്‍കി.
പ്രതികളിലൊരാളായ ഓട്ടോ ഡ്രൈവര്‍ക്കൊപ്പം കുട്ടിയെ അധ്യാപകന്‍ കണ്ടതിനെ തുടര്‍ന്ന് വിദ്യാര്‍ഥിനിയെ സ്‌കൂളില്‍ നിന്ന് പുറത്താക്കാല്‍ തീരുമാനിച്ചതോടെയാണ് പീഡന വിവരം പുറത്തറിഞ്ഞത്.
തുടര്‍ന്ന് രക്ഷിതാവും കുട്ടിയും ചേര്‍ന്ന് വടകര പോലീസില്‍ പരാതി നല്‍കുകയായിരുന്നു.
മജീഷ്യനായ ദാമു ചില സംഘടനകള്‍ക്ക് വേണ്ടി മാജിക് പരിശീലിപ്പിക്കാറുണ്ട്. പീഡന വിവരം സ്‌കൂള്‍ അധികൃതര്‍ അറിഞ്ഞിട്ടും പോലീസിനെ അറിയിക്കാത്തത് ഗുരുതരമായ വീഴ്ചയാണെന്ന് പോലീസ് പറഞ്ഞു.
Latest
കരുവന്നൂര്‍ ബേങ്ക് തട്ടിപ്പ്; എം എം വര്‍ഗീസ് ഇന്നും ഇ ഡിക്കു മുമ്പില്‍ ഹാജരായേക്കില്ല
വയോധികയ്ക്ക് കുത്തിവെപ്പെടുത്ത കേസ്: പ്രതിയുടെ മൊഴിയില്‍ പരസ്പര വൈരുദ്ധ്യം, ചോദ്യം ചെയ്യല്‍ തുടരുന്നു
അമേത്തിയില്‍ കോണ്‍ഗ്രസ്സിനായി റോബര്‍ട്ട് വാദ്രയോ?; പ്രചാരണ ബോര്‍ഡുകള്‍ പ്രത്യക്ഷപ്പെട്ടു
കണ്ണൂരില്‍ വീണ്ടും ബോംബ് ശേഖരം പിടികൂടി
അല്‍ ബദര്‍ അവാര്‍ഡ് മൂന്നാം പതിപ്പ്; ഒക്ടോബര്‍ 15 വരെ എന്‍ട്രി സമര്‍പ്പിക്കാം
തിരഞ്ഞെടുപ്പിന് ഇനി ഒരുനാള്‍ കൂടി മാത്രം; ഇന്ന് കൊട്ടിക്കലാശം
