Kasargod
സ്‌കൂള്‍തല ലഹരിവിരുദ്ധ ക്ലബ്ബുകള്‍ക്ക് 24 ലക്ഷം രൂപ നല്‍കും: മന്ത്രി കെ ബാബു
കാസര്‍കോട്: സ്‌കൂള്‍തല ലഹരിവിരുദ്ധ ക്ലബ്ബുകളുടെ നടപ്പ്‌സാമ്പത്തിക വര്‍ഷത്തേക്കുള്ള പദ്ധതിരേഖ അംഗീകരിച്ച് ഇരുപത്തിനാല് ലക്ഷത്തി നാല്‍പ്പതിനായിരം രൂപ അനുവദിച്ച് ഉത്തരവായതായി എക്‌സൈസ് മന്ത്രി കെ ബാബു അറിയിച്ചു.
സ്റ്റുഡന്റ് പോലീസ് കേഡറ്റ്, എന്‍ സി സി, സ്‌കൗട്ട് ആന്റ് ഗൈഡ്‌സ്, നാഷണല്‍ സര്‍വീസ് സ്‌കീം എന്നീ സ്‌കൂള്‍തല സംഘടനകളെ കൂടി ഉള്‍പ്പെടുത്തിയായിരിക്കും ലഹരിവിരുദ്ധ ക്ലബ്ബുകളുടെ ഈ വര്‍ഷത്തെ പദ്ധതി പ്രവര്‍ത്തനങ്ങള്‍. ക്ലബ്ബുകള്‍ക്ക് പ്രവര്‍ത്തനഫണ്ടായി 1500 രൂപ രണ്ടു ഗഡുക്കളായി നല്‍കും. ക്ലബ്ബുകളുടെ കണ്‍വീനര്‍മാര്‍ക്ക് വാര്‍ഷിക ഓണറേറിയമായി 1500 രൂപ അനുവദിച്ചിട്ടുണ്ട്. കഴിഞ്ഞ സാമ്പത്തിക വര്‍ഷം ആരംഭിച്ച പദ്ധതിയാണ് ലഹരിവിരുദ്ധ ക്ലബ്ബുകള്‍. ഇതുവരെ 1011 സ്‌കൂളുകളില്‍ ലഹരിവിരുദ്ധ ക്ലബ്ബുകള്‍ ആരംഭിച്ചു. ഈ സാമ്പത്തിക വര്‍ഷം ലഹരിവിരുദ്ധ ക്ലബ്ബുകളുടെ എണ്ണം 1500 ആയി വര്‍ദ്ധിപ്പിക്കും. കൈയെഴുത്തു മാസിക, വാരാചരണം, സെമിനാറുകള്‍ തുടങ്ങിയ പ്രവര്‍ത്തനങ്ങളാണ് പദ്ധതിരേഖ പ്രകാരം അംഗീകരിച്ചിരിക്കുന്നത്. വിദ്യാര്‍ഥികളില്‍ സാമൂഹിക പ്രതിബദ്ധതയും പരസ്പര സൗഹാര്‍ദവും വളര്‍ത്തുന്നതിനുള്ള പദ്ധതികളാണ് ലഹരിവിരുദ്ധ ക്ലബ്ബുകളിലൂടെ ഉദ്ദേശിക്കുന്നത്. പദ്ധതിപ്രവര്‍ത്തനങ്ങളുടെ മേല്‍നോട്ടം പൂര്‍ണമായും എക്‌സൈസ് വകുപ്പിനായിരിക്കുമെന്ന മന്ത്രി കെ ബാബു അറിയിച്ചു.
Latest
പ്രധാനമന്ത്രിയുടെ വിദ്വേഷ പ്രസംഗത്തെ വിമര്‍ശിച്ച ബി.ജെ.പി ന്യൂനപക്ഷമോര്‍ച്ച നേതാവിനെ പുറത്താക്കി
ഉള്ള്യേരിയില്‍ ബോംബ് കണ്ടെത്തിയെന്ന വാര്‍ത്ത;പരിശോധിച്ചപ്പോള്‍ പ്രോട്ടീന്‍ പൗഡര്‍ ടിന്‍
ഡല്‍ഹി ലഫ്റ്റനന്റ് ഗവര്‍ണറുടെ കേരള സന്ദര്‍ശനം; അടിയന്തര നടപടി ആവശ്യപ്പെട്ട് തിരഞ്ഞെടുപ്പ് കമീഷന് പ്രതിപക്ഷ നേതാവിന്റെ പരാതി
വടകരയില്‍ കലാശക്കൊട്ടിനിടെ സ്ഥാനാര്‍ഥിക്കെതിരെ അധിക്ഷേപ മുദ്രാവാക്യം ; എല്‍ഡിഎഫ് പരാതി നല്‍കി
വൈക്കം മഹാദേവക്ഷേത്രക്കുളത്തില്‍ അജ്ഞാത മൃതദേഹം കണ്ടെത്തി
പോളിംഗ് ഉദ്യോഗസ്ഥരുടെ പട്ടിക ചോര്‍ന്ന സംഭവത്തില്‍ നടപടി ; താലൂക്ക് ഓഫീസ് ജീവനക്കാരന് സസ്‌പെന്‍ഷന്‍
