Kozhikode
വേളത്ത് മുസ്‌ലിം ലീഗിലെ വിഭാഗീയത തെരുവിലേക്ക്
കുറ്റിയാടി: വേളം പഞ്ചായത്ത് മുസ്‌ലിം ലീഗിലെ വിഭാഗീയത തെരുവിലേക്ക്. ഗ്രാമ പഞ്ചായത്ത് വാഹനത്തിലെ ഡ്രൈവറായ മുസ്‌ലിം യൂത്ത് ലീഗ് പ്രവര്‍ത്തകന്‍ നല്ലിക്കുന്നത്ത് അശ്‌റഫിനെ പ്രസിഡന്റ് പുറത്താക്കിയതുമായി ബന്ധപ്പെട്ട് പാര്‍ട്ടിയില്‍ ഉടലെടുത്ത വിഭാഗീയതയാണ് രൂക്ഷമായിതുടരുന്നത്.
അശ്‌റഫിനെ പുറത്താക്കിയതില്‍ പ്രതിഷേധിച്ച് ഇന്നലെ നൂറോളം മുസ്‌ലിം ലീഗ് പ്രവര്‍ത്തകര്‍ പൂളക്കൂലില്‍ പ്രകടനം നടത്തി. പ്രശ്‌നങ്ങള്‍ക്ക് പരിഹാരം കാണാന്‍ ഈ മാസം 29ന് ജില്ലാ കമ്മിറ്റി പഞ്ചായത്ത് ലീഗ് കൗണ്‍സില്‍ വിളിച്ചിട്ടുണ്ട്. അതിനിടെ പ്രസിഡന്റിന്റെ ഏകപക്ഷീയമായ നിലപാടില്‍ പ്രതിഷേധിച്ച് യു ഡി എഫിലെ ഏഴ് അംഗങ്ങള്‍ യു ഡി എഫ് കണ്‍വീനര്‍ക്ക് രാജി സമര്‍പ്പിച്ചതായും റിപ്പോര്‍ട്ടുണ്ട്.
നിലവില്‍ ലീഗ് ഭരിക്കുന്ന പഞ്ചായത്തില്‍ കോണ്‍ഗ്രസിനും ലീഗിനും കൂടി ഒമ്പത് അംഗങ്ങളാണുള്ളത്. നിലവിലെ ഡ്രൈവറെ ഒരു നിലക്കും പഞ്ചായത്ത് വാഹനത്തില്‍ കയറ്റില്ലെന്ന വാശിയിലാണ് പ്രസിഡന്റും അവരെ അനുകൂലിക്കുന്നവരും. എന്നാല്‍ ഡ്രൈവറെ പിരിച്ചുവിടാന്‍ അനുവദിക്കില്ലെന്നാണ് മറുപക്ഷം വാദിക്കുന്നത്.
സി പി എം പ്രധാന പ്രതിപക്ഷമായ വേളത്ത് എട്ട് അംഗങ്ങളാണ് ഉള്ളത്. ഇതില്‍ ഒരാള്‍ ജമാഅത്ത് പിന്തുണയുള്ള സ്വതന്ത്രനാണ്. ഇന്നലെ നടന്ന മുസ്‌ലിം ലീഗ് പ്രകടനത്തിന് എം പി അഹ്മദ് മൗലവി, ചാമയില്‍ സൂപ്പി, കപ്പച്ചേരി മൊയ്തു, സി എന്‍ ഇബ്‌റാഹിം തുടങ്ങിയവര്‍ നേതൃത്വം നല്‍കി.
Latest
മകള്‍ രാത്രി പുറത്തുപോകുന്നതിനെ ചോദ്യം ചെയ്തു; മകളുടെ കൊലപാതകത്തില്‍ വെളിപ്പെടുത്തലുമായി അച്ഛന്‍
പ്രായപൂര്‍ത്തിയാവാത്ത അന്തേവാസി ഗര്‍ഭിണിയായി; സ്വകാര്യ അനാഥാലയത്തില്‍ നിന്ന് 24 കുട്ടികളെ മാറ്റിപ്പാര്‍പ്പിച്ചു
കേരളത്തില്‍ ഇന്നും ശക്തമായ മഴ; കോഴിക്കോട്, വായനാട്, കണ്ണൂര്‍, കാസര്‍ഗോഡ് ജില്ലകളില്‍ യെല്ലോ അലര്‍ട്ട്
വി എസ് അച്യുതാനന്ദന്റെ ആരോഗ്യനില അതീവ ഗുരുതരമായി തുടരുന്നു
ശസ്ത്രക്രിയ മുടക്കം; ഡോ. ഹാരിസ് ചിറക്കലിന്റെ തുറന്നുപറച്ചിലിലെ എല്ലാ കാര്യങ്ങളും ശരിയല്ലെന്നു വിദഗ്ധ സമിതി റിപ്പോര്‍ട്ട്
റഷ്യക്കെതിരായ അമേരിക്കന്‍ ഉപരോധം; ഇന്ത്യക്കും ചൈനക്കും 500 ശതമാനം അധിക നികുതി ചുമത്താന്‍ ട്രംപിന്റെ നീക്കം
