Wayanad
ഗാഡ്ഗില്‍ റിപ്പോര്‍ട്ട് മലയാള പരിഭാഷാ പുറത്തിറങ്ങി
കല്‍പറ്റ: പശ്ചിമ ഘട്ടത്തിലെ പ്രക്യതി വിഭവങ്ങളെ ജന പങ്കാളിത്തത്തോടെ ദീര്‍ഘ കാലാടിസ്ഥാനത്തില്‍ പരിരക്ഷിക്കാനൂം ശാസ്ത്രീയമായി വിനിയോഗിക്കാനും ഉതകുന്ന പ്രായോഗിക നിര്‍ദ്ദേശങ്ങള്‍ ഉള്‍കൊള്ളുന്ന ഗാഡ്ഗില്‍ കമ്മിറ്റി റിപ്പോര്‍ട്ട് തള്ളി കളഞ്ഞ് ഏകപക്ഷീയമായ നിര്‍ദ്ദേശങ്ങള്‍ക്ക് ഉത്തരവിടുന്ന കസ്തുരി രംഗന്‍ കമ്മിറ്റി റിപ്പോര്‍ട്ട് നടപ്പാക്കാന്‍ തുനിയുന്നത് നിര്‍ഭാഗ്യകരമാണെന്ന് പരിഷത്ത് മുന്‍ സംസ്ഥാന പ്രസിഡന്റ് പ്രൊഫ കെ ശ്രീധരന്‍ പറഞ്ഞു. വരൂം തലമുറകളെ പരിഗണിക്കാതെ മൂലധന ശക്തികളുടെ ഇംഗീതങ്ങള്‍ക്കനുസരിച്ച് തയ്യാറാക്കിയ കസ്തൂരി രംഗന്‍ കമ്മിറ്റി റിപ്പോര്‍ട്ട് തള്ളി കളഞ്ഞ് ഗാഡ്ഗില്‍ റിപ്പോര്‍ട്ട് വ്യാപകമായ ചര്‍ച്ചക്ക് വിധേയമാക്കി ജനാധിപത്യപരമായി നടപ്പാക്കാന്‍ ജനകീയ സമ്മര്‍ദ്ദം ഉയര്‍ന്നു വരണമെന്ന് അദ്ദേഹം അഭിപ്രായപ്പെട്ടു.
ശാസ്ത്രസാഹിത്യ പരിഷത്ത് പുറത്തിറക്കിയ ഗാഡ്ഗില്‍ റിപ്പോര്‍ട്ട് മലയാള പരിഭാഷ പുസ്തകം പ്രകാശനം ചെയ്തു കൊണ്ട് സംസാരിക്കുകയായിരുന്നു അദ്ദേഹം.
ജില്ലാ ലൈബ്രറി കൗണ്‍സില്‍ സെക്രട്ടറി എം ബാലഗോപാലന്‍ ആദ്യ കോപ്പി ഏറ്റുവാങ്ങി. പരിഷത്ത് ജില്ലാ പ്രസിഡന്റ് പ്രൊഫ കെ ബാലഗോപാലന്‍ അധ്യക്ഷത വഹിച്ചു. പരിഷത് പരിസ്ഥിതി വിഷയ സമിതി ചെയര്‍മാന്‍ പ്രൊഫ തോമസ് തേവര ജില്ലാ സെക്രട്ടറി എം.ഡി.ദേവസ്യ, കണ്‍വീനര്‍ പി.സി.ജോണ്‍ എന്നിവര്‍ സംസാരിച്ചു.
Latest
തിരഞ്ഞെടുപ്പ് ഡ്യൂട്ടിയിലുണ്ടായിരുന്ന സിആര്‍പിഎഫ് ജവാന്‍ പോളിങ് ബൂത്തിലെ ശൗചാലയത്തില്‍ മരിച്ചനിലയില്‍
വീട്ടിലെ വോട്ടില്‍ കള്ളവോട്ടെന്ന പരാതിയില്‍ കേസെടുത്തു; പോളിംഗ് സംഘത്തിലെ നാല് ഉദ്യോഗസ്ഥര്‍ക്ക് സസ്‌പെന്‍ഷന്‍
വെറുപ്പിനെ പരാജയപ്പെടുത്തി രാജ്യത്തിന്റെ മുക്കിലും മൂലയിലും സ്‌നേഹത്തിന്റ കട തുറക്കണമെന്ന് രാഹുല്‍ ഗാന്ധി
ലോക്‌സഭാ തിരഞ്ഞെടുപ്പ്: തമിഴ്നാട്ടില്‍ ആദ്യഘട്ടത്തില്‍ വോട്ട് ചെയ്ത് താരങ്ങളും പ്രമുഖരും
കാണാതായ അസിസ്റ്റന്റ് പോസ്റ്റ് മാസ്റ്റര്‍ ഓഫീസില്‍ മരിച്ച നിലയില്‍
തൃശൂര്‍ പൂരത്തിന് തുടക്കമായി; പൂരനഗരിയില്‍ ജനസഞ്ചയം
