Eranakulam
സരിതയുടെ മൊഴിയെടുക്കാത്ത മജിസ്‌ട്രേറ്റിനോട് വിശദീകരണം തേടി
കൊച്ചി: സോളാര്‍ തട്ടിപ്പു കേസില്‍ സരിതയുടെ പരാതി നേരത്തെ രേഖപ്പെടുത്താതിരുന്ന അഡീഷണല്‍ ചീഫ് ജുഡീഷ്യല്‍ മജിസ്‌ട്രേറ്റ് എന്‍.വി രാജുവിനോട് ഹൈക്കോടതി വിശദീകരണം തേടി. 15 ദിവസത്തിനകം ഇക്കാര്യത്തില്‍ രേഖാമൂലം വിശദീകരണം നല്‍കണമെന്നാണ് കോടതി ആവശ്യപ്പെട്ടത്. ലൈംഗികമായി ഉപയോഗിച്ചുവെന്ന് സരിത പറഞ്ഞത് എസിജെഎം രേഖപ്പെടുത്തിയല്ല. സരിതയുടെ മൊഴി രേഖപ്പെടുത്തിയതില്‍ എസിജെഎം വീഴ്ചവരുത്തിയെന്നാണ് അന്വേഷണ റിപ്പോര്‍ട്ട്.
സരിത വാക്കാല്‍ പറഞ്ഞ കാര്യങ്ങള്‍ മജിസ്‌ട്രേറ്റ് രേഖപ്പെടുത്തിയിരുന്നില്ല. ലൈംഗികമായി ഉപയോഗിച്ചെന്ന് സരിത മൊവി നല്‍കിയിരുന്നതായി എസിജെഎം തന്നെയാണ് ഹൈക്കോടതി റജിസ്ട്രാറെ അറിയിച്ചത്. എന്നാല്‍ ലൈംഗികമായി ചൂഷണം ചെയ്യപ്പെട്ടെന്ന് സരിത പിന്നീട് എഴുതി നല്‍കിയ മൊഴിയില്‍ ഇല്ല. അതേസമയം എസിജെഎം മൊഴി രേഖപ്പെടുത്താതിനു പിന്നില്‍ ബാഹ്യ സമ്മര്‍ദം ഇല്ലെന്നാണ് ഹൈക്കോടതി റജിസ്ട്രാറുടെ റിപ്പോര്‍ട്ട്. അഡ്വ. ജയശങ്കറും ബിജെപി നേതാവ് കെ. സുരേന്ദ്രനും നല്‍കിയ പരാതിയിലാണ് ഹൈക്കോടതി എസിജെഎമ്മിനോട് വിശദീകരണം തേടിയത്.
ഇതിനിടെ തന്നെ വിചാരണയില്‍ നിന്നും ഒഴിവാക്കണമെന്ന് ആവശ്യപ്പെട്ടുകൊണ്ട് സിജെഎം ചീഫ് ജൂഡീഷ്യല്‍ മജിസ്‌ട്രേറ്റിന് കത്തയച്ചിരുന്നു.
Latest
അരുണാചല്‍പ്രദേശില്‍ വന്‍ ഉരുള്‍പ്പൊട്ടല്‍
ജെപി നദ്ദ അഞ്ചു ബാഗുകളില്‍ പണം കൊണ്ടുവന്നു; ആരോപണവുമായി തേജസ്വി യാദവ്
സംസ്ഥാനത്ത് സ്വര്‍ണവില കുറഞ്ഞു
കൊച്ചി വാട്ടര്‍ മെട്രോക്ക് ഇന്ന് ഒന്നാം പിറന്നാള്‍; 19.72ലക്ഷം പേര്‍ സഞ്ചരിച്ചു
ഭാര്യയെ വെട്ടിക്കൊലപ്പെടുത്തിയ ശേഷം ഭര്‍ത്താവ് ആത്മഹത്യ ചെയ്തു
കോണ്‍ഗ്രസിന്റെ പത്ര പരസ്യത്തിനെതിരെ തിരഞ്ഞെടുപ്പ് കമ്മീഷന് പരാതി നല്‍കി ബി.ജെ.പി
