Kerala
റാഗിംഗിനെതിരെ പരാതി നല്‍കിയ വിദ്യാര്‍ത്ഥിനികള്‍ക്ക് സസ്‌പെന്‍ഷന്‍
പോണ്ടിച്ചേരി: പോണ്ടിച്ചേരി സര്‍വകലാശാലയില്‍ റാഗിംഗിന് ഇരയായ വിദ്യാര്‍ത്ഥിനികള്‍ക്ക് സസ്‌പെന്‍ഷന്‍. പോലീസില്‍ പരാതി നല്‍കിയ രണ്ട് വിദ്യാര്‍ഥിനികളുള്‍പ്പെടെ ഏഴുപേര്‍ക്കാണ് ആറ് പേരെയാണ് സസ്‌പെന്റ് ചെയ്തിരിക്കുന്നത്.
മലയാളികളായ ഒന്നാംവര്‍ഷ പി ജി വിദ്യാര്‍ഥികളാണ് റാഗിംഗിനിരയായത്. മാസ് കമ്മ്യൂണിക്കേഷന്‍ വിദ്യാര്‍ഥികളാണ് ഇവര്‍. രാത്രി ഭക്ഷണം കഴിക്കാന്‍ മെസിലേക്ക് പോകുവഴി സീനിയര്‍ വിദ്യാര്‍ഥി അപമര്യാദയായി പെരുമാറിയെന്നാണ് പരാതി. സംഭവം പുറത്തുപറഞ്ഞാല്‍ കോഴ്‌സ് പൂര്‍ത്തിയാകുംവരെ പീഡിപ്പിക്കുമെന്നു സീനിയര്‍ വിദ്യാര്‍ഥി ഭീഷണിപ്പെടുത്തി.
സംഭവത്തെത്തുടര്‍ന്ന് സര്‍വകലാശാലയില്‍ ശക്തമായ പ്രതിഷേധം നടക്കുന്നതിനിടെയാണ് റാഗിംഗിന് വിധേയരായവരെ സസ്‌പെന്റ് ചെയ്തത്. കോളജ് അധികൃതരുടെ അനുമതിയില്ലാതെ പോലീസില്‍ പരാതി നല്‍കിയതാണ് സസ്‌പെന്‍ഷനു കാരണമായി പറയുന്നത്. റാഗിംഗിനെക്കുറിച്ച് വിദ്യാര്‍ഥികള്‍ കോളജ് അധികൃതരെ അറിയിച്ചെങ്കിലും നടപടിയൊന്നുമുണ്ടാകാതിരുന്നതിനാലാണ് ഇവര്‍ പോലീസിനെ സമീപിച്ചത്.
Latest
തിരുവനന്തപുരത്ത് 17കാരന് അമീബിക് മസ്തിഷ്‌ക ജ്വരം; ആക്കുളം ടൂറിസ്റ്റ് വില്ലേജിലെ സ്വിമ്മിങ് പൂള്‍ പൂട്ടിച്ചു
പ്രകീര്‍ത്തനാരവങ്ങള്‍ക്ക് തുടക്കം; സ്വപ്ന നഗരിയിലേക്കൊഴുകി നബിസ്‌നേഹികള്‍
മോദിയുടേയും അമ്മയുടേയും എഐ വീഡിയോ; കോണ്‍ഗ്രസിനെതിരെ കേസ്
നഗരത്തെ വര്‍ണാഭമാക്കി ദഫ് ഘോഷയാത്ര; അന്താരാഷ്ട്ര മീലാദ് സമ്മേളനത്തിന് തുടക്കം
കിണറ്റില്‍ വീണ യുവാവിനെ രക്ഷിക്കാന്‍ ശ്രമിക്കവെ കയര്‍പൊട്ടി; രണ്ട് യുവാക്കള്‍ക്ക് ദാരുണാന്ത്യം
എന്‍ എം വിജയന്റെ കുടുംബം പറയുന്ന എല്ലാ സഹായങ്ങള്‍ക്കും കോണ്‍ഗ്രസിന്റെ കൈയില്‍ പണമില്ല: സണ്ണി ജോസഫ്
