Wayanad
മീനങ്ങാടി ഗവ. സ്‌കൂള്‍ എന്‍ എസ് എസ് യൂനിറ്റിന് മൂന്ന് പുരസ്‌കാരങ്ങള്‍
മീനങ്ങാടി: പ്ലസ്ടു വിദ്യാലയങ്ങളില്‍ പ്രവര്‍ത്തിച്ചുവരുന്ന നാഷണല്‍ സര്‍വ്വീസ് സ്‌കീം യൂണിറ്റുകള്‍ക്ക് ഹയര്‍സെക്കന്‍ഡറി വിദ്യാഭ്യാസ ഡയറക്ടറേറ്റ് ഏര്‍പ്പെടുത്തിയ ഈ വര്‍ഷത്തെ മൂന്ന് പുരസ്‌കാരങ്ങള്‍ മീനങ്ങാടി ഗവ. ഹയര്‍സെക്കന്‍ഡറി സ്‌കൂള്‍ എന്‍.എസ്.എസ്. യൂണിറ്റിന് ലഭിച്ചു.
മികച്ച പ്രോഗ്രാം ഓഫീസര്‍ക്കുള്ള പുരസ്‌കാരത്തിന് ഇംഗ്ലീഷ് അധ്യാപകന്‍ പി.ടി. ജോസ് അര്‍ഹനായി. എന്‍.എസ്.എസ്. വളന്റിയര്‍ക്കുള്ള പുരസ്‌കാരത്തിന് സ്‌കൂളിലെ എന്‍.എസ്.എസ്. വളന്റിയര്‍ സെക്രട്ടറി പി.ജി. അമല്‍ അര്‍ഹനായി. അടിച്ചിലാടി പ്രദേശത്തെ ഒന്നര ഏക്കര്‍ നിലത്ത് വിദ്യാര്‍ത്ഥികള്‍ നടത്തിയ ജൈവ നെല്‍കൃഷി, കക്കടംകുന്ന് സ്‌കൂളില്‍ സംഘടിപ്പിച്ച സപ്തദിന ക്യാമ്പ്, അവയവദാന ബോധവല്‍ക്കരണ പരിപാടി, കബനിയുടെ വിവിധ കൈവഴികളില്‍ നടത്തിയ പുഴയോര മുളവത്ക്കരണ പദ്ധതി, ക്യാമ്പസ് ഹരിതവല്‍ക്കരണ പദ്ധതി തുടങ്ങിയ പ്രവര്‍ത്തനങ്ങള്‍ മുന്‍നിര്‍ത്തിയാണ് പുരസ്‌ക്കാരം ലഭിച്ചത്. അവാര്‍ഡ് ജേതാക്കളെ പി.ടി.എയും സ്റ്റാഫ് കൗണ്‍സിലും അനുമോദിച്ചു. യോഗത്തില്‍ പി.വി. വേണുഗോപാല്‍ അധ്യക്ഷത വഹിച്ചു.
Latest
ബി ജെ പിക്ക് ഹിന്ദി ഹൃദയഭൂമിയില് തിരിച്ചടി പ്രവചിച്ച് ലോക് പോള് സര്വേ
ആദ്യഘട്ട വിധിയെഴുത്ത് നാളെ; ഇന്ന് നിശ്ശബ്ദ പ്രചാരണം
ഗംഗാനഗർ: താങ്ങുവില ഭീഷണി; വിളവിൽ ആശങ്ക
വൈറ്റ്വാഷ് തടയാൻ ക്ഷത്രിയ വീര്യം
സി എം സെന്റർ അബുദാബി നവ സാരഥികളെ തിരഞ്ഞെടുത്തു
ത്രില്ലര് ത്രികോണം
