Wayanad
വര്‍ഗീയതക്കെതിരെ ആത്മീയ പ്രതിരോധം വളര്‍ത്തണം :എം അലിക്കുഞ്ഞി മുസ്‌ലിയാര്‍
പയോട്ട: തിന്മകളെ ആത്മീയ വഴിയില്‍ പ്രതിരോധിച്ച് ലോകത്തിന് മാതൃക കാട്ടിയവരാണ് ബദ്‌രീങ്ങളെന്നും അവരുടെ സ്മരണ സമകാലീന ലോകത്തെ സമകല പ്രശ്‌നങ്ങള്‍ക്കും പരിഹാരമാണെന്നും സമസ്ത കേന്ദ്ര മുശാവറാംഗം എം അലിക്കുഞ്ഞി മുസ്‌ലിയാര്‍ അഭിപ്രായപ്പെട്ടു.
ആത്മീയ സമരമുറയാണ് ബദറിന്റെ വലിയ പാഠം. നാട്ടില്‍ വര്‍ധിച്ചുവരുന്ന വര്‍ഗീയതയേയും മറ്റു പ്രശ്‌നങ്ങളെയും പ്രതിരോധിക്കേണ്ടത് കയ്യൂക്ക് കൊണ്ടല്ല. മാതൃകാപരമായ ആത്മീയ ജീവിതവഴി സ്വീകരിക്കാന്‍ എല്ലാവരും തയ്യാറായാല്‍ മുഴുവന്‍ പ്രശ്‌നങ്ങള്‍ക്കും പരിഹാരമാകുമെന്നും അദ്ദേഹം അഭിപ്രായപ്പെട്ടു.
വിശ്വാസിയുടെ ഒരോ ചലനവും പ്രവാചകര്‍ കാട്ടിച്ചു തന്ന മാതൃകാ സ്വഭാവം ഉള്‍ക്കൊണ്ടാവണം. ചെറിയവരോട് കരുണ കാണിക്കാനും മുതിര്‍ന്നവരെ ബഹുമാനിക്കാനുമുള്ള മനസ്ഥിതി ഇന്ന് കുറഞ്ഞു വരുന്നു. ആദരിക്കേണ്ടവരെ ആദരിക്കാനും അവകാശങ്ങള്‍ വകവെച്ചു കൊടുക്കാനും എല്ലാവരും തയ്യാറാകണം. വിശുദ്ധ റമളാന്‍ നന്മകള്‍ കൂടുതലായി കൊയ്‌തെടുക്കാന്‍ എല്ലാവരും പരിശ്രമിക്കണം. സ്വാഗതസംഘം ചെയര്‍മാന്‍ പള്ളങ്കോട് അബ്ദുല്‍ ഖാദിര്‍ മദനി അധ്യക്ഷത വഹിച്ചു. ഇബ്രാഹീം സഖാഫി പയോട്ട സ്വാഗതവും സലീം കോപ്പ നന്ദിയും പറഞ്ഞു.
Latest
പ്രിയങ്ക ഗാന്ധി ഇന്ന് കേരളത്തില്; നാല് പരിപാടികളില് പങ്കെടുക്കും
രാഹുല് ഗാന്ധിയുടെ പരിപാടിയില് ലീഗ് കൊടി ഉയര്ത്തി; വണ്ടൂരില് സംഘര്ഷം
കോട്ട തിരിച്ചുപിടിക്കാൻ യാദവ കുടുംബം ഒറ്റക്കെട്ട്
റെഡ്ഢിമാരും റാവുമാരും ഉഴുതുമറിച്ച തെലുങ്ക് മണ്ണ്
ആറ്റിങ്ങല്: ത്രികോണ തരംഗം
ധ്രുവ് റാഠി എന്ന മാധ്യമ പ്രതിപക്ഷം
