Kerala
ആറന്മുള വിമാനത്താവളത്തിനെതിരെ 72 എം എല്‍ എമാര്‍
പത്തനംതിട്ട: ആറന്മുള വിമാനത്താവളത്തിനെതിരെ എം എല്‍ എ പട. വിമാനത്താവള പദ്ധതി ഉപേക്ഷിക്കണമെന്ന് ആവശ്യപ്പെട്ട 72 എം എല്‍ എമാര്‍ ഒപ്പിട്ട നിവേദനം പ്രധാനമന്ത്രി ഡോ. മന്‍മോഹന്‍ സിംഗിനയച്ചു. ഇവരില്‍ ആറ് പേര്‍ യു ഡി എഫ് എം എല്‍ എമാരാണ്.
ആറന്മുള സമരസമിതിയുടെ നേതൃത്വത്തില്‍ സുഗതകുമാരി അയച്ച നിവേദനത്തിലാണ് 72 എം എല്‍ എമാര്‍ ഒപ്പ്‌വെച്ചത്. എം എല്‍ എമാര്‍ക്ക് പുറമെ എം ടി വാസുദേവന്‍ നായര്‍, ഒ എന്‍ വി കുറുപ്പ്, ജസ്റ്റിസ് വി ആര്‍ കൃഷ്ണയ്യര്‍ തുടങ്ങി നിരവധി പ്രമുഖരും നിവേദനത്തില്‍ ഒപ്പിട്ടിട്ടുണ്ട്. സി.പി മുഹമ്മദ്, വി.ഡി സതീശന്‍, എം.വി ശ്രേയാംസ്‌കുമാര്‍, ടി.എന്‍ പ്രതാപന്‍, അഹമ്മദ് കബീര്‍, പാലോട് രവി എന്നിവരാണ് നിവേദനത്തില്‍ ഒപ്പിട്ട യുഡിഎഫ് എംഎല്‍എമാര്‍.
700 ഏക്കറില്‍ നിര്‍മിക്കുന്ന വിമാനത്താവളം പരിസ്ഥിതി വിരുദ്ധമാണെന്നാണ് സമരസമിതി ചൂണ്ടിക്കാട്ടുന്നത്. കെ ജി എസ് ഗ്രൂപ്പിന് കീഴിലുള്ള കെ ജി എസ് ആറന്മുള ഇന്റര്‍നാഷണല്‍ എയര്‍പോര്‍ട്ട് ലിമിറ്റഡ് എന്ന കമ്പനിയാണ് നിര്‍മാണ ചുമതല ഏറ്റെടുത്തിരിക്കുന്നത്.
Latest
ആദ്യഘട്ടം തെരഞ്ഞെടുപ്പിനിടെ സ്ഫോടനം; കേന്ദ്രസേന ഉദ്യോഗസ്ഥന് വീരമൃത്യു
പ്രിയങ്ക ഗാന്ധി ഇന്ന് കേരളത്തില്; നാല് പരിപാടികളില് പങ്കെടുക്കും
രാഹുല് ഗാന്ധിയുടെ പരിപാടിയില് ലീഗ് കൊടി ഉയര്ത്തി; വണ്ടൂരില് സംഘര്ഷം
കോട്ട തിരിച്ചുപിടിക്കാൻ യാദവ കുടുംബം ഒറ്റക്കെട്ട്
റെഡ്ഢിമാരും റാവുമാരും ഉഴുതുമറിച്ച തെലുങ്ക് മണ്ണ്
ആറ്റിങ്ങല്: ത്രികോണ തരംഗം
