National
ജയിലിലോ കസ്റ്റഡിയിലോ കഴിയുന്നവര്‍ക്ക് തെരഞ്ഞെടുപ്പില്‍ മത്സരിക്കുന്നതില്‍ വിലക്ക
ന്യൂഡല്‍ഹി: ശിക്ഷിക്കപ്പെട്ട് തടവിലോ പോലീസ് കസ്റ്റഡിയിലോ കഴിയുന്ന വ്യക്തിക്ക് തെരഞ്ഞെടുപ്പില്‍ മത്സരിക്കാന്‍ കഴിയില്ലെന്ന ഹൈക്കോടതി വിധി സുപ്രീം കോടതി ശരിവച്ചു. ഇതോടെ തടവില്‍ കിടന്നു മത്സരിച്ചു ജനപ്രതിനിധികളാകുന്ന രാഷ്ട്രീയക്കാരുടെ യുഗത്തിന് അന്ത്യമാകും. പാറ്റ്‌ന ഹൈക്കോടതി വിധിക്കെതിരേ മുഖ്യ തെരഞ്ഞെടുപ്പ് കമ്മിഷണറും മറ്റും സമര്‍പ്പിച്ച അപ്പീലിലാണ് വിധി.
ജയിലിലോ കസ്റ്റഡിയിലോ കഴിയുന്നവര്‍ക്ക് വോട്ടവകാശം ഇല്ലാത്ത സാഹചര്യത്തില്‍ ഇവര്‍ക്ക് എങ്ങനെ തെരഞ്ഞെടുപ്പില്‍ മത്സരിക്കാന്‍ കഴിയും എന്ന് കോടതി ചോദിച്ചു. അതേസമയം ഏതെങ്കിലും നിയമപ്രകാരം കരുതല്‍ തടങ്കലില്‍ കഴിയുന്നവര്‍ക്ക് വിലക്ക് ബാധകമായിരിക്കില്ലെന്നും കോടതി ചൂണ്ടിക്കാട്ടി.
ക്രിമിനല്‍ കേസുകളില്‍ രണ്ടു വര്‍ഷത്തിലധികം ശിക്ഷ വിധിക്കപ്പെട്ടവര്‍ ലോക്‌സഭയിലേക്കും നിയമസഭയിലേക്കും മത്സരിക്കുന്നതില്‍ വിലക്കിയതിനു പിന്നാലെയാണ് ജയിലിലും കസ്റ്റഡിയിലും കഴിയുന്നവരെയും തെരഞ്ഞെടുപ്പില്‍നിന്ന് വിലക്കിയുള്ള വിധി സുപ്രീം കോടതി ശരിവച്ചിരിക്കുന്നത്.
Latest
മതനിരപേക്ഷ ജനാധിപത്യ സംവിധാനം ഇന്ത്യയില്‍ നിലനില്‍ക്കുമോയെന്ന് തീരുമാനിക്കുന്ന തിരഞ്ഞെടുപ്പാണ് ഇപ്പോള്‍ നടക്കുന്നത്; സീതാറാം യെച്ചൂരി
ഛത്തീസ്ഗഡില്‍ പോളിംഗ് ഡ്യൂട്ടിക്കിടെ ഗ്രനേഡ് പൊട്ടിത്തെറിച്ച് സിആര്‍പിഎഫ് ജവാന് പരുക്ക്
മംഗലാപുരം സ്വദേശിയെ മോങ്ങത്തെ കുളത്തില്‍ മരിച്ചനിലയില്‍ കണ്ടെത്തി
തിരഞ്ഞെടുപ്പ് റാലിക്കിടെ ബിജെപി സ്ഥാനാര്‍ഥി പള്ളിക്ക് നേരെ സാങ്കല്‍പ്പിക അമ്പ് തൊടുത്തു; വന്‍ പ്രതിഷേധം
നാവിക സേനയുടെ അടുത്ത മേധാവിയായി വൈസ് അഡ്മിറല്‍ ദിനേശ്കുമാര്‍ ത്രിപാഠിയെ നിയമിച്ചു
ജയിലെന്ന് കേട്ടാല്‍ പേടിക്കുന്നവരല്ല ഞങ്ങളെന്ന് മുഖ്യമന്ത്രി പിണറായി വിജയന്‍ ; രാഹുല്‍ ഗാന്ധിക്കെതിരെ രൂക്ഷ വിമര്‍ശനം
