Kerala
കിണര് വ്യത്തിയാക്കുന്നതിനിടെ തൂണ് തകര്ന്ന് വീണ് തൊഴിലാളി മരിച്ചു
കിണര് വൃത്തിയാക്കി കഴിഞ്ഞതിനു ശേഷം മുകളിലേക്ക് കയറാന് തുടങ്ങുന്നതിന് തൊട്ടുമുമ്പായി മുകളിലെ കപ്പിയും കയറും തൂണും ഇടിഞ്ഞ് രാമദാസിന്റെ ശരീരത്തിലേക്ക് വീഴുകയായിരുന്നു.
പാലക്കാട് | കുഴല്മന്ദം പെരുങ്കുന്നത്ത് കിണര് വൃത്തിയാക്കുന്നതിനിടെ കപ്പിയും കയറും കെട്ടിയ തൂണ് പൊട്ടിവീണ് തൊഴിലാളി മരിച്ചു. കുഴല്മന്ദം പെരുങ്കുന്നം തെക്കേക്കരയില് രാമദാസ് (41) ആണ് മരിച്ചത്. തിങ്കളാഴ്ച രാവിലെ ചിതലി എടക്കാട്ടില് സ്വകാര്യ വ്യക്തിയുടെ കിണര് വ്യത്തിയാക്കുന്നതിനിടെയാണ് അപകടം.
കിണര് വൃത്തിയാക്കി കഴിഞ്ഞതിനു ശേഷം മുകളിലേക്ക് കയറാന് തുടങ്ങുന്നതിന് തൊട്ടുമുമ്പായി മുകളിലെ കപ്പിയും കയറും തൂണും ഇടിഞ്ഞ് രാമദാസിന്റെ ശരീരത്തിലേക്ക് വീഴുകയായിരുന്നു. ഗുരുതരമായി പരുക്കേറ്റ രാമദാസ് സംഭവസ്ഥലത്തുവെച്ചുതന്നെ മരിച്ചു.ആലത്തൂര് അഗ്നിശമന സേന ഉദ്യോഗസ്ഥര് സ്ഥലത്തെത്തിയാണ് മൃതദേഹം കിണറ്റില്നിന്ന് പുറത്തെടുത്തത്. കുഴല്മന്ദം പോലീസ് സ്ഥലത്തെത്തി ഇന്ക്വസ്റ്റ് നടപടികള് പൂര്ത്തിയാക്കി.പരേതനായ മാണിയുടെയും ദൈവാനിയുടെയും മകനാണ് .അംബികയാണ് ഭാര്യ. ആദി കൃഷ്ണന്, ആദിത്യന് എന്നിവര് മക്കളാണ്. ഭവദാസ്, കൃഷ്ണദാസ്, ഗീത എന്നിവര് സഹോദരങ്ങളാണ്.
Latest
ഓപ്പറേഷന് തൂഫാന്: കാറില് നിന്നും എംഡിഎംഎ കണ്ടെടുത്തു; യുവതിയും യുവാവും രക്ഷപ്പെട്ടു
റെഡ് അലര്ട്ട്; നാളെ രണ്ട് ജില്ലകളില് വിദ്യാഭ്യാസ സ്ഥാപനങ്ങള്ക്ക് അവധി
കാട്ടാന ആക്രമണം: വനം മന്ത്രി ഷിബു ബേബി ജോണിനെ പരിഹസിച്ച് മുന് വനം മന്ത്രി
അഫ്ഗാനിസ്താനെ നിലംപരിശാക്കി ഇന്ത്യ
മാസപ്പടി കേസില് സിഎംആര്എല്ലിന് വീണ്ടും തിരിച്ചടി; നിര്ണായക രേഖകള് ഇ ഡിക്ക് കൈമാറാന് കോടതി ഉത്തരവ്
പ്രായപൂര്ത്തിയാകാത്ത മൂന്ന് പെണ്കുട്ടികളെ പിതാവ് വെട്ടിക്കൊന്നു; സംഭവം ഝാര്ഖണ്ഡില്
