National
വാക്കുകള്‍ സൂക്ഷിച്ച് ഉപയോഗിക്കുക; ഉദയനിധിക്കെതിരെ രൂക്ഷ വിമര്‍ശനവുമായി നിര്‍മല സീതാരാമന്‍
പ്രളയ ദുരിതമനുഭവിക്കുന്ന സംസ്ഥാനത്തിന് ഫണ്ട് അനുവദിക്കാത്തതിനെതിരെ ഉദയനിധി നടത്തിയ പരാമര്‍ശമാണ് കേന്ദ്രമന്ത്രിയെ ചൊടിപ്പിച്ചത്.
ന്യൂഡല്‍ഹി| തമിഴ്‌നാട് കായിക-യുവജനക്ഷേമ മന്ത്രി ഉദയനിധി സ്റ്റാലിന്‍ നടത്തിയ പരാമര്‍ശത്തിനെതിരെ രൂക്ഷ വിമര്‍ശനവുമായി കേന്ദ്ര ധനമന്ത്രി നിര്‍മല സീതാരാമന്‍. പ്രളയ ദുരിതമനുഭവിക്കുന്ന സംസ്ഥാനത്തിന് ഫണ്ട് അനുവദിക്കാത്തതിനെതിരെ ഉദയനിധി നടത്തിയ പരാമര്‍ശമാണ് കേന്ദ്രമന്ത്രിയെ ചൊടിപ്പിച്ചത്. വാക്കുകള്‍ സൂക്ഷിച്ച് ഉപയോഗിക്കണം. മന്ത്രിയായിരിക്കുമ്പോള്‍ ഉത്തരവാദിത്തത്തോടെ സംസാരിക്കണമെന്നും നിര്‍മല സീതാരാമന്‍ പറഞ്ഞു.
ഞങ്ങള്‍ ചോദിക്കുന്നത് ആരുടെയും അച്ഛന്റെ സ്വത്തല്ല. തമിഴ്നാട്ടിലെ ജനങ്ങള്‍ അടയ്ക്കുന്ന നികുതിയുടെ വിഹിതം മാത്രമാണ്. തമിഴ്‌നാട് ഗവര്‍ണ്ണറുടെ സ്വത്തും ആവശ്യപ്പെട്ടിട്ടില്ല എന്നായിരുന്നു സ്റ്റാലിന്റെ വിവാദ പരാമര്‍ശം. രാഷ്ട്രീയത്തില്‍ അച്ഛനെയോ അമ്മയെയോ കുറിച്ച് സംസാരിക്കാന്‍ പാടില്ല. ഉദയനിധി ജനങ്ങളാല്‍ തെരഞ്ഞെടുക്കപ്പെട്ട മന്ത്രിയാണെന്ന് ഓര്‍ക്കണമെന്നും കേന്ദമന്ത്രി പറഞ്ഞു.
രാഷ്ട്രീയ നേതാവായ ഉദയനിധിയ്ക്ക് ഈ മേഖലയില്‍ പുരോഗതിയുണ്ടാകണമെങ്കില്‍ വാക്കുകള്‍ സൂക്ഷിച്ച് ഉപയോഗിക്കേണ്ടത് പ്രധാനമാണ്. കേന്ദ്ര സര്‍ക്കാര്‍ ഇതിനകം തന്നെ തമിഴ്‌നാടിന് 900 കോടി രൂപ കൈമാറിയിട്ടുണ്ട്. അത് തന്റെ അച്ഛന്റെയോ അദ്ദേഹത്തിന്റെ പിതാവിന്റെയോ പണമല്ലെന്നും കേന്ദ്രമന്ത്രി കൂട്ടിച്ചേര്‍ത്തു.
Latest
പ്രവാസിയുടെ മൃതദേഹം 14 ദിവസത്തിനു ശേഷം നാട്ടിലേക്ക്
പെണ്‍ബന്ധങ്ങളെ എതിര്‍ത്ത വീട്ടുകാര്‍ക്ക് വിദ്യാര്‍ഥി വിഷം നല്‍കി; അമ്മയും മുത്തച്ഛനും മരിച്ചു
എസ് രാജേന്ദ്രനെ ബി ജെ പി നേതാക്കള്‍ സന്ദര്‍ശിച്ചു
ജ്വല്ലറികളിലേക്ക് മൊത്തമായി വിതരണം ചെയ്യാനെത്തിച്ച സ്വര്‍ണ്ണം മലപ്പുറം താനൂരില്‍ അഞ്ചംഗ സംഘം കവര്‍ന്നു
നിയന്ത്രണംവിട്ട കാര്‍ തുണിക്കടയിലേക്ക് ഇടിച്ചുകയറി അപകടം; അഞ്ച് പേര്‍ക്ക് പരുക്ക്
കെഎസ്ആര്‍ടിസി ബസ് ഇടിച്ച് ഇരുചക്രവാഹന യാത്രികൻ മരിച്ചു
