Kerala
മലപ്പുറത്ത് അരക്കോടിയുടെ ചന്ദനവുമായി രണ്ട് പേര് പിടിയില്
കാറിന്റെ പിറകിലെ സീറ്റിനടിയില് രഹസ്യ അറയുണ്ടാക്കി ഒളിപ്പിച്ച നിലയിലായിരുന്നു ചന്ദനമരത്തടികള്.
മലപ്പുറം | കൊളത്തൂരില് കാറില് ഒളിപ്പിച്ചുകടത്തിയ ഒരു ക്വിന്റല് ചന്ദനശേഖരവുമായി രണ്ടു പേരെ പോലീസ് അറസ്റ്റ് ചെയ്തു. മഞ്ചേരി സ്വദേശി അലവിക്കുട്ടി, ഏറ്റുമാനൂര് സ്വദേശി സന്തോഷ് എന്നിവരാണ് പിടിയിലായത്. അന്താരാഷ്ട്ര വിപണിയില് അരക്കോടിയോളം രൂപ വിലവരുന്ന ചന്ദനമാണ് പിടികൂടിയത്.
കാറിന്റെ പിറകിലെ സീറ്റിനടിയില് രഹസ്യ അറയുണ്ടാക്കി ഒളിപ്പിച്ച നിലയിലായിരുന്നു ചന്ദനമരത്തടികള്. തമിഴ്നാട് കേന്ദ്രീകരിച്ച് പ്രവര്ത്തിക്കുന്ന സംഘമാണ് ചന്ദനം കൈമാറിയതെന്നും സംഘത്തിലെ മറ്റുള്ളവരുടെ വിവരങ്ങള് ശേഖരിച്ചുവരികയാണെന്നും മലപ്പുറം ജില്ലാ പൊലീസ് മേധാവി എസ് സുജിത്ത് ദാസ് ഐപിഎസ് അറിയിച്ചു.
മറ്റ് സംസ്ഥാനങ്ങളില് നിന്നും ചന്ദനമരത്തടികള് കേരളത്തിലെത്തിച്ച് രൂപമാറ്റം വരുത്തി വില്പ്പന നടത്തുന്ന കള്ളക്കടത്ത് സംഘം ജില്ലയില് പ്രവര്ത്തിക്കുന്നുണ്ടെന്ന് പോലീസിന് വിവരം ലഭിച്ചിരുന്നു. ഇതിന് പിന്നാലെയായിരുന്നു പരിശോധന