തൃശൂര്‍ മണലൂരില്‍ വീടിന് മുകളില്‍ മരം വീണ് യുവാവിന് ദാരുണാന്ത്യം

തൃശൂര്‍| തൃശൂര്‍ മണലൂരില്‍ വീടിന് മുകളില്‍ മരം വീണ് യുവാവ് മരിച്ചു. മണലൂര്‍ സ്വദേശി തൃഷ്ണത്ത് വീട്ടില്‍ വിഷ്ണുവാണ് മരിച്ചത്. 27 വയസ്സായിരുന്നു. ഇന്ന് രാവിലെ ആറുമണിയോടെയായിരുന്നു സംഭവം.

ഇവര്‍ താമസിക്കുന്ന ഓടിട്ട വീടിന് മുകളിലേക്ക് മരം ചാഞ്ഞു നില്‍ക്കുന്നത് ഇന്നലെ ശ്രദ്ധയില്‍പ്പെട്ടിരുന്നു. തുടര്‍ന്ന് വിഷ്ണുവിന്റെ മാതാവ് വള്ളിയമ്മയെ സമീപത്തെ വീട്ടിലേക്ക് ഇന്നലെ തന്നെ മാറ്റിയിരുന്നു. എന്നാല്‍ വിഷ്ണു ഈ വീട്ടില്‍ തന്നെ താമസിക്കുകയായിരുന്നു.

ഇന്ന് രാവിലെ കനത്ത മഴയില്‍ വിഷ്ണു കിടക്കുന്ന മുറിയുടെ മുകളിലേക്ക് മരം വീഴുകയായിരുന്നു. പോലീസും ഫയര്‍ഫോഴ്‌സും എത്തി മരം മുറിച്ചു മാറ്റിയാണ് വിഷ്ണുവിനെ എടുത്ത് തൃശൂര്‍ ജില്ലാ ആശുപത്രിയിലേക്ക് കൊണ്ടുപോയത്. അപ്പോഴേക്കും മരണം സംഭവിച്ചിരുന്നു.

Content Highlights:
A 27-year-old youth named Vishnu died after a heavy tree fell on his house in Manalur, Thrissur, during torrential rains. Although his mother had shifted to a neighbor’s house earlier due to safety concerns, Vishnu remained behind. Police and fire rescue personnel cut the tree to extricate his body, but he was declared dead at Thrissur District Hospital.