Kerala
ആലുവയില് രണ്ട് കിലോയിലധികം എംഡിഎംഎയുമായി മൂന്ന് പേര് പിടിയില്
പാനിപൂരിയുടേയും ഫ്രൂട്ട് ജ്യൂസ് പാക്കിന്റെയും ഉള്ളില് ഒളിപ്പിച്ചാണ് ഇവര് ലഹരിമരുന്ന് കേരളത്തിലെത്തിച്ചത്
കൊച്ചി | ആലുവയില് വന് ലഹരിമരുന്ന് വേട്ട. റെയില്വേ സ്റ്റേഷനില് നിന്നും രണ്ട് കിലോയിലധികം എംഡിഎംഎയുമായി മൂന്ന് പേരെ എക്സൈസ് അറസ്റ്റ് ചെയ്തു. കൊടുങ്ങല്ലൂര് സ്വദേശികളായ രാഹുല്, സുഭാഷ്, സൈനുലാബ്ദീന് എന്നിവരാണ് പിടിയിലായത്. മംഗള എക്സ്പ്രസില് ഡല്ഹിയില് നിന്നും കടത്തിക്കൊണ്ട് വരികയായിരുന്നു എംഡിഎംഎ.
പുതുവത്സര ആഘോഷത്തിന്റെ ഭാഗമായി സംസ്ഥാനത്തേക്ക് ലഹിമരുന്നെത്തിയേക്കുമെന്ന വിവരങ്ങളുടെ അടിസ്ഥാനത്തില് എക്സൈസ് നടത്തിയ പരിശോധനക്കിടെയാണ് വന്തോതില് എംഡിഎംഎ പിടിച്ചെടുത്തത്.
പാനിപൂരിയുടേയും ഫ്രൂട്ട് ജ്യൂസ് പാക്കിന്റെയും ഉള്ളില് ഒളിപ്പിച്ചാണ് ഇവര് ലഹരിമരുന്ന് കേരളത്തിലെത്തിച്ചത്. പുതുവത്സരാഘോഷങ്ങളില് വിതരണം ചെയ്യാന് കൊണ്ടുവന്നതാണെന്ന് യുവാക്കള് വെളിപ്പെടുത്തി. തൃശ്ശൂര് ഇന്റലിജന്സ് ഇന്സ്പെക്ടര് മനോജ് കുമാറും സംഘവുമാണ് ഇവരെ പിടികൂടിയത്.