attingal attack
പോസ്റ്റര്‍ നശിപ്പിച്ചത് ചോദ്യം ചെയ്തു; ആര്‍ എസ് എസുകാര്‍ വീട്ടില്‍ കയറി വെട്ടി
ആറ്റിങ്ങല്‍ കമുകിന്‍കുഴി സ്വദേശി സുജിത്തിനാണ് (24) വെട്ടേറ്റത്
ആറ്റിങ്ങല്‍| എല്‍ ഡി എഫ് സ്ഥാനാര്‍ഥി വി ജോയിയുടെ പോസ്റ്റര്‍ നശിപ്പിച്ചതുമായി ബന്ധപ്പെട്ടുണ്ടായ സംഘര്‍ഷത്തെ തുടര്‍ന്ന് പുളിമാത്ത് കമുകിന്‍കുഴിയില്‍ ഡി വൈ എഫ് ഐ പ്രവര്‍ത്തകനെ ആര്‍ എസ് എസുകാര്‍ വീട്ടില്‍ കയറി വെട്ടി.
ഡി വൈ എഫ് ഐ പുളിമാത്ത് മേഖലാ കമ്മിറ്റി അംഗവും കമുകിന്‍കുഴി സ്വദേശിയുമായ സുജിത്തിനാണ് (24) വെട്ടേറ്റത്. ഇന്നലെ അര്‍ധരാത്രിയോടെയാണ് സംഭവം. കമുകിന്‍കുഴി ജംഗ്ഷനില്‍ പതിച്ചിരുന്ന വി ജോയിയുടെ പോസ്റ്റര്‍ കഴിഞ്ഞ ചൊവ്വാഴ്ച്ച പകല്‍ നശിപ്പിച്ചിരുന്നു. ഇതിന് പകരമായി ബുധനാഴ്ച വൈകിട്ട് സുജിത്തടക്കമുള്ള എല്‍ ഡി എഫ് പ്രവര്‍ത്തകര്‍ പോസ്റ്റര്‍ ഒട്ടിക്കാനെത്തിയപ്പോള്‍ ആര്‍ എസ് എസ് പ്രവര്‍ത്തകരുമായി തര്‍ക്കം ഉണ്ടായി.
ഇതിന്റെ തുടര്‍ച്ചയായാണ് സുജിത്തിനെ രാത്രി വീടുകയറി മാതാപിതാക്കളുടെ മുന്നില്‍ വച്ച് ആക്രമിച്ചത്. വെട്ടുകത്തിയും മണ്‍വെട്ടിയും സിമന്റ്കട്ടയും ഉപയോഗിച്ചായിരുന്നു ആക്രമണം. സുജിത്തിന്റെ കൈയ്ക്കാണ് വെട്ടേറ്റത്. തലയ്ക്കും ഗുരുതര പരിക്കുണ്ട്. സുജിത്തിനെ തിരുവനന്തപുരം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. രതീഷ്, ശശികുമാര്‍ തുടങ്ങിയ നാലോളം ആര്‍ എസ് എസ് പ്രവര്‍ത്തകരുടെ നേതൃത്വത്തില്‍ ആയിരുന്നു ആക്രമണമെന്നാണ് പോലീസ് പറയുന്നത്.
Latest
ആറ് മാസം ആറ് വര്‍ഷമായി തോന്നി; ഫലസ്തീന്‍ ആക്ടിവിസ്റ്റ്
അജ്മീറിലെ മസ്ജിദിനുള്ളിൽ കയറി ഇമാമിനെ അടിച്ചുകൊന്നു
പിടിച്ചെടുത്ത ഇസ്‌റാഈല്‍ ബന്ധമുള്ള ചരക്ക് കപ്പല്‍ വിട്ടയക്കുമെന്ന് ഇറാന്‍; കപ്പലില്‍ 17 ഇന്ത്യക്കാര്‍
മാധ്യമപ്രവര്‍ത്തകരാകാന്‍ മോഹമുണ്ടോ? പ്ലസ് ടു കഴിഞ്ഞവര്‍ക്കും മാധ്യമ പഠനം സാധ്യമാണ്
ഗസ്സയില്‍ ആക്രമണത്തില്‍ കൊല്ലപ്പെട്ട യുവതിയുടെ ഗര്‍ഭപാത്രത്തില്‍ നിന്നും രക്ഷപ്പെടുത്തിയ കുഞ്ഞ് മരിച്ചു
പാലക്കാട് പന്നിയുടെ ആക്രമണത്തില്‍ വീട്ടമ്മക്ക് പരുക്കേറ്റു
