National
ഭരണഘടനയുടെ ആമുഖത്തില്‍ നിന്നും സോഷ്യലിസ്റ്റ്, മതേതരത്വം എന്നീ പദങ്ങള്‍ നീക്കണം; ആവശ്യവുമായി ആര്‍എസ്എസ്
കോണ്‍ഗ്രസ് സര്‍ക്കാര്‍ അടിയന്തരാവസ്ഥക്കാലത്ത് ഭരണ ഘടനയില്‍ ഉള്‍പ്പെടുത്തിയ പദങ്ങളാണ് ഇവയെന്നാണ് ആര്‍എസ്എസ്
ന്യൂഡല്‍ഹി \ ഇന്ത്യന്‍ ഭരണഘടനക്കെതിരെ ആര്‍എസ്എസ്. ഭരണഘടനയുടെ ആമുഖത്തില്‍ നിന്നും സോഷ്യലിസ്റ്റ്, മതേതരത്വം എന്നീ പദങ്ങള്‍ നീക്കണമെന്നാണ് ആര്‍എസ്എസിന്റെ പുതിയ ആവശ്യം. കോണ്‍ഗ്രസ് സര്‍ക്കാര്‍ അടിയന്തരാവസ്ഥക്കാലത്ത് ഭരണ ഘടനയില്‍ ഉള്‍പ്പെടുത്തിയ പദങ്ങളാണ് ഇവയെന്നാണ് ആര്‍എസ്എസ് ആരോപിക്കുന്നത്. ആര്‍എസ്എസ് ജനറല്‍ സെക്രട്ടറി ദത്താത്രേയ ഹൊസബാലെയാണ് ഇത്തരം ഒരു ആരോപണവുമായി എത്തിയിരിക്കുന്നത്. ഡല്‍ഹിയില്‍ സംഘടിപ്പിച്ച പൊതുചടങ്ങില്‍ സംസാരിക്കുകയായിരുന്നു അദ്ദേഹം.
1976 ആണ് ‘സോഷ്യലിസ്റ്റ്, ‘മതേതരത്വം’ എന്നീ വാക്കുകള്‍ ഇന്ത്യന്‍ ഭരണഘടനയുടെ ആമുഖത്തില്‍ ഉള്‍പ്പെടുത്തുന്ന 42-ാം ഭരണഘടനാ ഭേദഗതി നടപ്പാക്കിയത്. ‘ അടിയന്തരാവസ്ഥക്കാലത്ത് സോഷ്യലിസ്റ്റ്, മതേതരത്വം എന്നീ വാക്കുകള്‍ ഭരണഘടനയുടെ ആമുഖത്തില്‍ ചേര്‍ത്തു. പിന്നീട് അവ നീക്കം ചെയ്യാന്‍ ശ്രമിച്ചില്ല. അവ നിലനില്‍ക്കണമോ എന്നതിനെക്കുറിച്ച് ചര്‍ച്ചകള്‍ നടക്കേണ്ടതുണ്ട്. ബാബാസാഹേബ് അംബേദ്കറുടെ പേരിലുള്ള ഈ കെട്ടിടത്തില്‍ (അംബേദ്കര്‍ ഇന്റര്‍നാഷണല്‍ സെന്റര്‍) നിന്നാണ് ഞാന്‍ ഇത് പറയുന്നത്, അംബേദ്കര്‍ തയ്യാറാക്കിയ ഭരണഘടനയുടെ ആമുഖത്തില്‍ ഈ വാക്കുകള്‍ ഇല്ലായിരുന്നു- ഹൊസബാലെയാ പറഞ്ഞു.
Latest
പൗരന്മാര്‍ക്കായി ഫെഡറല്‍ ഫെര്‍ട്ടിലിറ്റി സെന്റര്‍ സ്ഥാപിക്കാന്‍ യു എ ഇ; ഇമാറാത്തികളില്‍ ജനന നിരക്ക് 11 ശതമാനം കുറഞ്ഞു
ബെംഗളൂരുവിൽ കഞ്ചാവ് ജെല്ലി മിഠായിയുമായി രണ്ട് യുവാക്കൾ പിടിയിൽ
സര്‍വകലാശാലകളില്‍ സ്ഥിരം വി സിമാരെ നിയമിക്കാത്തതിനെതിരെ ഹൈക്കോടതി
ഇടതുമുന്നണിയില്‍ ഹാപ്പിയാണ്; മുന്നണി മാറേണ്ട സാഹചര്യമില്ല: ജോസ് കെ മാണി
മുഹര്‍റം പിറന്നു; ആശുറാഅ് ഞായറാഴ്ച
കനത്ത മഴയില്‍ ജലനിരപ്പുയര്‍ന്നു; മലമ്പുഴ, ബാണാസുര ഡാമുകള്‍ തുറന്നു
