Uae
റോഡ്, തുറമുഖം, പൊതുഗതാഗതം; ആഗോള നേട്ടം തുടര്‍ന്ന് യു എ ഇ അറബ് രാജ്യങ്ങളില്‍ ഒന്നാമത്
റോഡ് ഗുണനിലവാരത്തില്‍ അഞ്ചാം സ്ഥാനവും തുറമുഖ സേവനങ്ങളില്‍ ഒമ്പതാം സ്ഥാനവും പൊതുഗതാഗതത്തില്‍ പത്താം സ്ഥാനവുമാണ് രാജ്യം നേടിയത്.
ജെബെല്‍ അലി തുറമുഖം
ദുബൈ | വേള്‍ഡ് ഇക്കോണമിക് ഫോറം, ട്രാവല്‍ ആന്‍ഡ് ടൂറിസം ഡെവലപ്‌മെന്റ് ഇന്‍ഡക്‌സ് 2024 റിപോര്‍ട്ട് പുറത്തിറക്കി. വിവിധ വിഷയങ്ങളില്‍ യു എ ഇ ആഗോള തലത്തില്‍ മികച്ച സ്ഥാനം നേടി.
റോഡ് ഗുണനിലവാരത്തില്‍ അഞ്ചാം സ്ഥാനവും തുറമുഖ സേവനങ്ങളില്‍ ഒമ്പതാം സ്ഥാനവും പൊതുഗതാഗതത്തില്‍ പത്താം സ്ഥാനവുമാണ് രാജ്യം നേടിയത്. റോഡ് ഗുണനിലവാരത്തിലും തുറമുഖ സേവനങ്ങളുടെ കാര്യക്ഷമതയില്‍ അറബ് രാജ്യങ്ങളില്‍ ഒന്നാം സ്ഥാനത്തും പൊതുഗതാഗത സേവനങ്ങളില്‍ രണ്ടാം സ്ഥാനത്തുമാണ് യു എ ഇ.
നേതൃത്വത്തിന്റെ ജ്ഞാനപൂര്‍വകമായ വീക്ഷണമാണ് ഈ ഫലങ്ങള്‍ക്ക് കാരണമായതെന്നും വളര്‍ച്ചക്ക് ധാരാളം അവസരങ്ങള്‍ നല്‍കുന്ന യു എ ഇയുടെ ദീര്‍ഘകാല പദ്ധതികളുടെ പ്രവര്‍ത്തനക്ഷമതയുടെ തെളിവാണിതെന്നും ഊര്‍ജ, ഇന്‍ഫ്രാസ്ട്രക്ചര്‍ മന്ത്രി സുഹൈല്‍ മുഹമ്മദ് അല്‍ മസ്റൂഇ പറഞ്ഞു.
ആഗോളതലത്തില്‍ അംഗീകരിക്കപ്പെട്ട ഇന്നോവേഷന്‍, എക്‌സലന്‍സ് ഹബ്ബായി മാറാനുള്ള യു എ ഇയുടെ അഭിലാഷം ഈ നേട്ടങ്ങള്‍ അടിവരയിടുന്നു. യു എ ഇയെ ബിസിനസ്സിനും വിനോദത്തിനുമുള്ള മുന്‍നിര ലക്ഷ്യസ്ഥാനമായി മാറ്റുന്നതില്‍ പ്രതിജ്ഞാബദ്ധമാണ്.
അടിസ്ഥാന സൗകര്യങ്ങള്‍ ഉയര്‍ന്ന നിലവാരം പുലര്‍ത്തുന്നുവെന്നും അടിവരയിടുന്നതാണ് ഈ റിപോര്‍ട്ടിലെ ഫലങ്ങളെന്ന് ഫെഡറല്‍ കോംപറ്റിറ്റീവ്‌നെസ് ആന്‍ഡ് സ്റ്റാറ്റിസ്റ്റിക്‌സ് സെന്റര്‍ ഡയറക്ടര്‍ ഹനന്‍ മന്‍സൂര്‍ അഹ്‌ലി പറഞ്ഞു.
Latest
പേരൂര്‍ക്കട വ്യാജ മോഷണ കേസ്; അന്വേഷണം ജില്ലാ ക്രൈം ബ്രാഞ്ചിന് കൈമാറി
വിശുദ്ധ കഅബ കഴുകൽ ചടങ്ങ് മുഹറം 15ന്
റിയല്‍ എസ്റ്റേറ്റ് മേഖലയില്‍ വിദേശികള്‍ക്ക് ഉടമസ്ഥാവകാശം
2025ന്റെ ആദ്യ പാദ റിപ്പോർട്ട്; ജിദ്ദ വിമാനത്താവളം വഴി യാത്ര ചെയ്തത് 25.5 ദശലക്ഷം പേർ
ഇറാൻ വിദേശകാര്യ മന്ത്രി സഊദിയിലെത്തി
ട്രാഫിക് പിഴയിൽ ഇളവ് പ്രഖ്യാപിച്ച് ഷാർജ
