Kerala
പീച്ചി ഡാം ദുരന്തം: ചികിത്സയിലായിരുന്ന ഒരു പെണ്കുട്ടി കൂടി മരിച്ചു
ചികിത്സയിലായിരുന്ന തൃശൂര് പട്ടിക്കാട് സ്വദേശി എറിന് (16) ആണ് മരിച്ചത്.

തൃശൂര് | പീച്ചി ഡാം ദുരന്തത്തില് മരണം മൂന്നായി. റിസര്വോയറില് വീണ ഒരു പെണ്കുട്ടി കൂടി മരിച്ചു. ചികിത്സയിലായിരുന്ന തൃശൂര് പട്ടിക്കാട് സ്വദേശി എറിന് (16) ആണ് മരിച്ചത്. എറിനൊപ്പം റിസര്വോയറില് വീണ അലീന (16), ആന് ഗ്രേസ് (16) എന്നിവര് നേരത്തെ മരിച്ചിരുന്നു.
ചികിത്സയിലുള്ള പീച്ചി സ്വദേശിനി നിമ (13) ഗുരുതരാവസ്ഥ തരണം ചെയ്തിട്ടുണ്ട്. ഡാമിനു സമീപമെത്തിയ നാലുപേരും ആഴമുള്ള ഭാഗത്ത് പെട്ടു പോവുകയായിരുന്നു. മുങ്ങിത്താഴ്ന്ന കുട്ടികളെ നാട്ടുകാരാണ് രക്ഷപ്പെടുത്തി ആശുപത്രിയിലെത്തിച്ചത്.
പള്ളിക്കുന്ന് അങ്കണ്വാടിക്കു സമീപത്താണ് അപകടമുണ്ടായത്. സുഹൃത്തിന്റെ വീട്ടില് പിറന്നാളാഘോഷത്തിന് എത്തിയതായിരുന്നു പെണ്കുട്ടികള്. ആഘോഷത്തിനു ശേഷം പീച്ചി ഡാം കാണാന് പോയപ്പോഴാണ് അപകടം സംഭവിച്ചത്.