Kasargod
ബജറ്റിലെ അവഗണന: നീലേശ്വരം താലൂക്കിനായി റവന്യു മന്ത്രിക്ക് നിവേദനം നൽകി
വിഷയം ഗൗരവമായി പരിശോധിക്കാമെന്നും ബന്ധപ്പെട്ട ഉദ്യോഗസ്ഥരുമായി ചർച്ച ചെയ്യാമെന്നും മന്ത്രി ഉറപ്പുനൽകി.
നീലേശ്വരം| സംസ്ഥാന ബജറ്റിലും നീലേശ്വരം താലൂക്ക് പ്രഖ്യാപനം ഉണ്ടാകാത്ത സാഹചര്യത്തിൽ, വിഷയത്തിൽ അടിയന്തര ഇടപെടൽ ആവശ്യപ്പെട്ട് നീലേശ്വരം വികസന സമിതി പ്രവാസി ഘടകം സെക്രട്ടറി റാഷിദ് പൂമാടം റവന്യു മന്ത്രി കെ രാജന് നിവേദനം നൽകി. പിണറായി സർക്കാരിന്റെ അവസാന ബജറ്റിലും നീലേശ്വരത്തിന്റെ ദീർഘകാല ആവശ്യത്തിന് പച്ചക്കൊടി കാട്ടാത്തതിലുള്ള ജനകീയ പ്രതിഷേധം അദ്ദേഹം മന്ത്രിയെ അറിയിച്ചു.
സ്വന്തമായി താലൂക്ക് ആസ്ഥാനം വേണമെന്നത് നീലേശ്വരത്തിന്റെ പതിറ്റാണ്ടുകളായുള്ള ആവശ്യമാണ്. താലൂക്കിന് ആവശ്യമായ എല്ലാ സൗകര്യങ്ങളും ഒരുക്കാൻ സന്നദ്ധത അറിയിച്ച് നീലേശ്വരം നഗരസഭ ഏകകണ്ഠമായി പ്രമേയം പാസാക്കിയിരുന്നു. ജില്ലയിലെ പഴയ ഫർക്കകളെല്ലാം താലൂക്കുകളായി ഉയർത്തപ്പെട്ടപ്പോഴും നീലേശ്വരത്തെ മാത്രം തഴയുന്നതിലെ അനീതി നിവേദനത്തിൽ ചൂണ്ടിക്കാട്ടി.
ഹോസ്ദുർഗ് താലൂക്കിനെ ആശ്രയിക്കുന്ന മലയോര മേഖലയിലെ ജനങ്ങളുടെ യാത്രാദുരിതം പരിഹരിക്കാനും, പൈതൃക നഗരമായ നീലേശ്വരത്തിന്റെ ഭരണപരമായ വളർച്ചയ്ക്കും പുതിയ താലൂക്ക് അനിവാര്യമാണെന്ന് റാഷിദ് പൂമാടം മന്ത്രിയോട് പറഞ്ഞു. വിഷയം ഗൗരവമായി പരിശോധിക്കാമെന്നും ബന്ധപ്പെട്ട ഉദ്യോഗസ്ഥരുമായി ചർച്ച ചെയ്യാമെന്നും മന്ത്രി ഉറപ്പുനൽകി.
Latest
Kerala
പുസ്തക പ്രകാശനത്തിന് മുമ്പ് പയ്യന്നൂര് ഫണ്ട് കണക്കുകള് പുറത്തുവിടാന് സിപിഎം തയ്യാറാകണം: വി കുഞ്ഞികൃഷ്ണന്
Saudi Arabia
മിഡിൽ ഈസ്റ്റിനെ അസ്ഥിരപ്പെടുത്താനുള്ള ശ്രമങ്ങൾക്കെതിരെ മുന്നറിയിപ്പുമായി സഊദിയിലെ ഇറാൻ സ്ഥാനപതി
National
അതിവേഗ പാതയില് കൃത്യമായ മറുപടിയില്ലാതെ കേന്ദ്ര റെയില്വെ മന്ത്രി; റെയില്വെ വിഹിതത്തില് കേരളത്തിന് വന്വര്ധനയെന്നും മന്ത്രി
Kerala
തൊണ്ടിമുതല് കേസ്: ആന്റണി രാജുവിനെതിരായ ശിക്ഷാ വിധി താത്ക്കാലികമായി മരവിപ്പിച്ചു
Kasargod
ബജറ്റിലെ അവഗണന: നീലേശ്വരം താലൂക്കിനായി റവന്യു മന്ത്രിക്ക് നിവേദനം നൽകി
Kerala
ഹൈദരാബാദില് കോഴിക്കോട് സ്വദേശിയെ കാലില് വെടിവെച്ച് വീഴ്ത്തി ആറ് ലക്ഷം കവര്ന്നു
Kerala