Kerala
പഠനച്ചെലവ് വാഗ്ദാനം ചെയ്ത് 19കാരിയെ ലൈംഗികമായി പീഡിപ്പിച്ചയാള്‍ അറസ്റ്റില്‍
യുവതിയില്‍ നിന്നും ഒരു ലക്ഷത്തോളം രൂപ വാങ്ങിയശേഷം പിന്‍വാങ്ങുകയാണ് ഉണ്ടായത്.
പത്തനംതിട്ട | പഠനചെലവ് വഹിക്കാമെന്ന് പറഞ്ഞു വിശ്വസിപ്പിച്ച് നിര്‍ദ്ധനകുടുംബത്തിലെ യുവതിയെ ബലാല്‍സംഗത്തിനിരയാക്കിയ യുവാവ് അറസ്റ്റില്‍. കവിയൂര്‍ കോട്ടൂര്‍ ഇലവിനാല്‍ ഹോമിയോ ക്ലിനിക്കിന് സമീപം വലിയപറമ്പില്‍ വീട്ടില്‍ വി ബി അര്‍ജുന്‍(38) ആണ് അറസ്റ്റിലായത്. പഠനത്തിനുള്ള ചെലവുകള്‍ വഹിക്കാമെന്ന് വാക്കുനല്‍കി, 19 വയസുള്ള യുവതിയുമായി അടുപ്പം സ്ഥാപിച്ച പ്രതി മൊബൈല്‍ ഫോണിലൂടെ വിളിച്ചു വരുത്തി ചങ്ങനാശേരി റെയില്‍വേ സ്റ്റേഷനു സമീപം ലോഡ്ജില്‍ എത്തിച്ച് ബലാല്‍സംഗം ചെയ്യുകയായിരുന്നു. ഇതിനോടൊപ്പം യുവതിയില്‍ നിന്നും ഒരു ലക്ഷത്തോളം രൂപ വാങ്ങിയശേഷം പിന്‍വാങ്ങുകയാണ് ഉണ്ടായത്. ഇയാള്‍ വിവാഹിതനാണ്. യുവതിയോട് പോയി ജീവനൊടുക്കാന്‍ പറഞ്ഞതായും മൊഴിയിലുണ്ട്.
ചതിക്കപ്പെട്ടെന്ന് തിരിച്ചറിഞ്ഞ യുവതി ജീവനൊടുക്കാന്‍ വീടിനടുത്തുള്ള ആഴമേറിയ പാറക്കുളത്തില്‍ ചാടിയെന്നും, എന്നാല്‍ നാട്ടുകാര്‍ രക്ഷപ്പെടുത്തിയെന്നും പോലീസിനോട് വെളിപ്പെടുത്തി. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു. തിരുവല്ല പൊലിസ് ഇന്‍സ്‌പെക്ടര്‍ സുനില്‍ കൃഷ്ണന്റെ നേതൃത്വത്തില്‍ പ്രൊബേഷന്‍ എസ് ഐ ഹരികൃഷ്ണന്‍, എ എസ് ഐമാരായ ജോജോ ജോസഫ്, ജയകുമാര്‍,എസ് സി പി ഓമാരായ അഖിലേഷ്, എം എസ് മനോജ് കുമാര്‍, റ്റി സന്തോഷ് കുമാര്‍ എന്നിവരടങ്ങിയ സംഘമാണ് അന്വേഷണം നടത്തി പ്രതിയെ പിടികൂടിയത്.
Latest
പോലീസ് ഉദ്യോഗസ്ഥര്‍ക്കെതിരെ ഭീഷണി പ്രസംഗം; കെ എസ് യു കോഴിക്കോട് ജില്ലാ അധ്യക്ഷനെതിരെ കേസെടുത്തു
സംസ്ഥാനത്ത് ഒരാള്‍ക്കുകൂടി അമീബിക് മസ്തിഷ്‌ക ജ്വരം; ആശങ്കപ്പെടേണ്ട സാഹചര്യമില്ലെന്ന് ആരോഗ്യമന്ത്രി
കര്‍ണാടകയില്‍ മുഖംമൂടി സംഘം ബേങ്കില്‍ നിന്നും എട്ട് കോടിയും 50 പവനും കവര്‍ന്നു
മലപ്പുറത്ത് വീട്ടില്‍ നിന്നും 20 എയര്‍ ഗണ്ണുകളും മൂന്ന് റൈഫിളുകളും കണ്ടെടുത്തു; വീട്ടുടമസ്ഥന്‍ അറസ്റ്റില്‍
ഹണി ട്രാപ്പ് കേസ് ജയേഷ് പോക്‌സോ കേസിലും പ്രതി
ഓപ്പറേഷൻ സിന്ദൂറിനിടെ മസൂദ് അസറിന്റെ കുടുംബം കൊല്ലപ്പെട്ടതായി സമ്മതിച്ച് ജയ്ഷെ മുഹമ്മദ് ഭീകര സംഘടന
