കൊവിഡ് ബാധിച്ച് മരിച്ചവരുടെ ആശ്രിതര്‍ക്കുള്ള ധനസഹായം പുനരാരംഭിച്ചു; മൂന്ന് ജില്ലകള്‍ക്ക് 9.96 കോടി അനുവദിച്ചു

തിരുവനന്തപുരം | കൊവിഡ് ബാധിച്ച് മരിച്ച ബി പി എല്‍ കുടുംബങ്ങളിലെ ആശ്രിതര്‍ക്കുള്ള ധനസഹായ പദ്ധതി (Financial Aid) പുനരാരംഭിച്ചു. സാമ്പത്തിക പ്രതിസന്ധിമൂലം മുടങ്ങിയ സഹായ വിതരണമാണ് പുനരാരംഭിച്ചത്. ഇതിനായി മൂന്ന് ജില്ലകള്‍ക്ക് കൂടി സംസ്ഥാന സര്‍ക്കാര്‍ തുക അനുവദിച്ചു. പത്തനംതിട്ട, കോഴിക്കോട്, എറണാകുളം ജില്ലകള്‍ക്കായി 9,96,45,000 രൂപയാണ് മുഖ്യമന്ത്രിയുടെ (Chief Minister) നിര്‍ദേശപ്രകാരം ദുരിതാശ്വാസ നിധിയില്‍ നിന്ന് അനുവദിച്ചത്. കൊവിഡ് മൂലം മരണമടഞ്ഞ വ്യക്തിയെ ആശ്രയിച്ച് കഴിയുന്ന ബി പി എല്‍ കുടുംബങ്ങള്‍ക്ക് പ്രതിമാസം അയ്യായിരം രൂപ വീതം നല്‍കുന്നതാണ് പദ്ധതി.

ആദ്യ ഗഡു ലഭിക്കുന്ന മാസം മുതല്‍ മൂന്ന് വര്‍ഷത്തേക്ക് ബാങ്ക് അക്കൗണ്ടുകള്‍ വഴി നേരിട്ട് തുക ലഭ്യമാക്കും. പുതിയ ഉത്തരവ് പ്രകാരം കോഴിക്കോട് ജില്ലക്ക് 5,15,90,000 രൂപയും എറണാകുളത്തിന് 3,41,40,000 രൂപയും പത്തനംതിട്ടക്ക് 1,39,15,000 രൂപയുമാണ് അനുവദിച്ചിരിക്കുന്നത്. ജില്ലാ കലക്ടര്‍മാര്‍ സമര്‍പ്പിച്ച ശിപാര്‍ശ വിശദമായി പരിശോധിച്ച ശേഷമാണ് നടപടി. അനുവദിച്ച തുക മുഖ്യമന്ത്രിയുടെ ദുരിതാശ്വാസ നിധിയില്‍ നിന്ന് ബന്ധപ്പെട്ട ജില്ലാ കലക്ടര്‍മാര്‍ക്ക് ഉടന്‍ കൈമാറും. തുക ലഭിച്ച ശേഷം താമസം കൂടാതെ അര്‍ഹരായവര്‍ക്ക് വിതരണം ചെയ്ത് വിവരം സര്‍ക്കാരിനെ അറിയിക്കണമെന്നും ഉത്തരവില്‍ കര്‍ശന നിര്‍ദേശമുണ്ട്.

നേരത്തെ സംസ്ഥാനത്താകെ 5,702 കുടുംബങ്ങള്‍ക്കാണ് ഈ ധനസഹായം ലഭിക്കുന്നത്. മാതാപിതാക്കളില്‍ വരുമാന ദായകരോ രണ്ടുപേരുമോ മരിച്ചവരുടെ കുട്ടികള്‍ അടക്കമുള്ള കുടുംബത്തിനാണ് ഈ ആശ്വാസധനം നല്‍കുന്നത്. കോഴിക്കോട് ജില്ലയിലാണ് ഏറ്റവും കൂടുതല്‍ ഗുണഭോക്താക്കള്‍ ഉള്ളത്. 978 പേര്‍ക്കാണ് ഇവിടെ സഹായം നല്‍കിയിരുന്നത്. തിരുവനന്തപുരം (777), ആലപ്പുഴ (750), പാലക്കാട് (685), തൃശൂര്‍ (684), മലപ്പുറം (652), കോട്ടയം (460), എറണാകുളം (423), ഇടുക്കി (280), കണ്ണൂര്‍ (197), കൊല്ലം (159), വയനാട് (157), കാസര്‍കോട് (148), പത്തനംതിട്ട (36) എന്നിങ്ങനെയാണ് മറ്റ് ജില്ലകളില്‍ സഹായം ലഭിച്ചിരുന്നവരുടെ കണക്കുകള്‍. മഹാമാരി തീര്‍ത്ത പ്രതിസന്ധിയില്‍ നട്ടംതിരിഞ്ഞ സാധാരണക്കാര്‍ക്ക് വലിയ ആശ്വാസമായിരുന്നു ഈ പദ്ധതി (Relief Scheme).

2021 ഒക്ടോബര്‍ 13ന് അന്നത്തെ മുഖ്യമന്ത്രിയും നിലവിലെ പ്രതിപക്ഷ നേതാവുമായ പിണറായി വിജയന്റെ നിര്‍ദേശ പ്രകാരം തുക വിതരണം ആരംഭിച്ചത്. മറ്റ് ജില്ലകള്‍ക്കും കുടിശ്ശിക തുക അനുവദിച്ചേക്കും.

Content Highlights: Kerala government resumed financial aid for Covid deceased dependents. Rs 9.96 crore allocated for three districts. Monthly support of Rs 5000 provided to BPL families.