Ongoing News
സഊദിയില്‍ കുടുംബം സഞ്ചരിച്ച കാര്‍ അപകടത്തില്‍ പെട്ട് മലയാളി മരിച്ചു
എറണാകുളം കിഴക്കമ്പലം സ്വദേശി അജു പോള്‍ (52) ആണ് മരിച്ചത്
റിയാദ് | സഊദി അറേബ്യയിലെ റിയാദില്‍ ഉണ്ടായ വാഹനാപകടത്തില്‍ മലയാളി മരിച്ചു. എറണാകുളം കിഴക്കമ്പലം സ്വദേശി അജു പോള്‍ (52) ആണ് മരിച്ചത്. അജുവും കുടുംബവും സഞ്ചരിച്ച കാര്‍ റിയാദ് നഗരത്തിന്റെ കിഴക്ക് നദീമിലാണ് അപകടത്തില്‍പ്പെട്ടത്. അജു പോള്‍ 25 വര്‍ഷത്തിലധികമായി സൗദി നാഷനല്‍ വാട്ടര്‍ കമ്പനിയില്‍ ജീവനക്കാരനാണ്.
കഴിഞ്ഞ ശനിയാഴ്ച രാത്രി കാര്‍ ഓടിച്ചിരുന്ന അജു ഉറങ്ങിപ്പോയതാണ് അപകടകാരണം. കാര്‍ ഇടിച്ചുമറിയുകയായിരുന്നു. പരിക്കേറ്റ എല്ലാവരെയും പോലീസ് ഉടന്‍ ആശുപത്രിയില്‍ എത്തിച്ചെങ്കിലും അജു വഴിമധ്യേ മരിച്ചു.
വാരിയെല്ലിന് പരിക്കേറ്റ ഭാര്യ സ്മിതയും ഇളയ മകന്‍ ഇബിസനും റിയാദിലെ ശുമൈസി കിങ് സഊദ് ആശുപത്രിയില്‍ ചികിത്സയിലാണ്. എറണാകുളം കിഴക്കമ്പലം വാലയില്‍ വി കെ പൗലോസിന്റെയും ചിന്നമ്മയുടെയും മൂത്ത മകനാണ് അജു പോള്‍.
Latest
ഇറാനില്‍ വീണ്ടും ഇസ്‌റാഈല്‍ ആക്രമണം; പ്രത്യാക്രമണം ഇസ്‌റാഈല്‍ സൈനിക കേന്ദ്രത്തിന് നേരെയും
വയനാട്ടില്‍ വ്യാജ ഡോക്ടര്‍ ഉപയോഗിച്ചത് ഭാര്യയുടെ സര്‍ട്ടിഫിക്കറ്റില്‍ സ്വന്തം ഫോട്ടോ പതിച്ച്
നിലമ്പൂരില്‍ യു ഡി എഫ് നേതാക്കളുടെ വാഹനത്തില്‍ പോലീസ് പരിശോധന
മയക്കുമരുന്ന് നല്‍കി പീഡനം: പ്രതിയുടെ ഭാര്യയും പ്രതി
വര്‍ഗീയ സംഘര്‍ഷം: അക്രമികളെ വെടിവെക്കാന്‍ ഉത്തരവിട്ട് അസം മുഖ്യമന്ത്രി
എയര്‍ ഇന്ത്യ അപകടം അന്വേഷിക്കാന്‍ കേന്ദ്ര ആഭ്യന്തര സെക്രട്ടറി അധ്യക്ഷനായ ഉന്നതതല സമിതി
