Business
മദീന ഗവര്ണറുമായി കൂടിക്കാഴ്ച നടത്തി എം എ യൂസഫലി
മദീനയില് തുടങ്ങുന്ന ലുലു ഹൈപ്പര് മാര്ക്കറ്റിനെപ്പറ്റിയും സഊദി അറേബ്യയിലെ ലുലു ഗ്രൂപ്പിന്റെ ഭാവി പദ്ധതികളെക്കുറിച്ചും യൂസഫലി ചര്ച്ച നടത്തി.
മദീന | സഊദി ഭരണാധികാരി സല്മാന് രാജാവിന്റെ മകനും മദീന ഗവര്ണറുമായ ഫൈസല് ബിന് സല്മാന് രാജകുമാരനുമായി ലുലു ഗ്രൂപ്പ് ചെയര്മാന് എം എ യൂസഫലി കൂടിക്കാഴ്ച നടത്തി. മദീന ഗവര്ണര് കാര്യാലയത്തില് വെച്ചായിരുന്നു കൂടിക്കാഴ്ച.
മദീന ഗവര്ണറേറ്റിലെ യാമ്പുവില് പുതുതായി ആരംഭിച്ച ലുലു ഹൈപ്പര്മാര്ക്കറ്റ് ഉള്പ്പെടെയുള്ള പദ്ധതികളുടെ ഉദ്ഘാടനം ഗവര്ണര് കഴിഞ്ഞ ദിവസം നിര്വഹിച്ചിരുന്നു. യാമ്പു ലുലു ഹൈപ്പര് മാര്ക്കറ്റ് പ്രവര്ത്തനം ആരംഭിച്ചതില് യൂസുഫലിയെ ഗവര്ണര് അഭിനന്ദിക്കുകയും ചെയ്തു.
മദീനയില് തുടങ്ങുന്ന ലുലു ഹൈപ്പര് മാര്ക്കറ്റിനെപ്പറ്റിയും സഊദി അറേബ്യയിലെ ലുലു ഗ്രൂപ്പിന്റെ ഭാവി പദ്ധതികളെക്കുറിച്ചും യൂസഫലി ഫൈസല് ബിന് സല്മാന് രാജകുമാരനുമായി ചര്ച്ച നടത്തി.
പുണ്യ നഗരമായ മദീനയുടെ ചരിത്രം വിവരിക്കുന്ന പുസ്തകമായ ‘മദീന’ ഗവര്ണര് ഫൈസല് ബിന് സല്മാന് രാജകുമാരന് യൂസഫലിക്ക് സമ്മാനിച്ചു. ലുലു ഗ്രൂപ്പ് സഊദി ഡയറക്ടര് ഷെഹീം മുഹമ്മദ്, ലുലു ഗ്രൂപ്പ് ജിദ്ദ റീജ്യണല് ഡയറക്ടര് റഫീഖ് യാരത്തിങ്കല് എന്നിവരും സന്നിഹിതരായിരുന്നു.
Latest
കുഴല് കിണര് കുഴിക്കാനെത്തിയ ലോറി നിയന്ത്രണം വിട്ട് മറിഞ്ഞു: ആറ് തൊഴിലാളികള്ക്ക് പരുക്കേറ്റു
ട്രെയിനിനു നേരെ കല്ലേറ്: കർശന നിയമം കൊണ്ടുവരുമെന്ന് സുരേഷ് ഗോപി
ആലപ്പുഴയിൽ ബൈക്കും പിക്കപ്പും കൂട്ടിയിടിച്ച് പരുക്കേറ്റ രണ്ടാമത്തെ വിദ്യാർഥിയും മരിച്ചു
സൗദിയിൽ ശക്തമായ കാറ്റിലും മഴയിലും ടെന്റ് തകര്ന്നു വീണ് ഇന്ത്യാക്കാരന് മരിച്ചു
റെയില്വേ പാളത്തില് തലവെച്ച് കിടന്നു; നടന് മന്സൂര് അലി ഖാനെതിരെ കേസെടുത്ത് ആര്പിഎഫ്
കഞ്ചാവ് വാങ്ങാന് പണം നല്കിയില്ല; സഹോദരീപുത്രന് വീട് തീയിട്ട് നശിപ്പിച്ചെന്ന് പരാതി
