ചുവപ്പിനെ കാവിയാക്കിയ കുബുദ്ധിയിലൂടെ പുറത്തുവന്നത് ജമാഅത്തെ ഇസ്ലാമിയുടെ തനിനിറമാണെന്ന് കെ ടി ജലീൽ

മലപ്പുറം | ചുവപ്പിനെ കാവിയാക്കിയ കുബുദ്ധിയിലൂടെ പുറത്തു വന്നത് ജമാഅത്തെ ഇസ്ലാമിയുടെ തനിനിറമാണെന്ന് കെ ടി ജലീൽ എം എൽ എ ഫേസ്ബുക്കിൽ കുറിച്ചു. യഥാർഥ പ്രശ്നം ക്യാമറയുടെതല്ല. അതുപയോഗിക്കുന്നവരുടെതും നിയന്ത്രിക്കുന്നവരുടെതുമാണ്. മീഡിയാ വണ്ണും മാധ്യമവും അജ്ഞാത കേന്ദ്രത്തിലിരുന്ന് നിയന്ത്രിക്കുന്ന “അമീറു”മാരുടെ കണ്ണും മനസ്സും കൂടി ആ ക്യാമറയോടൊപ്പം മാറ്റണമെന്നും ജലീൽ കുറിച്ചു. പുതുപ്പള്ളിയിലെ തിരഞ്ഞെടുപ്പ് പ്രചാരണത്തിനിടെ സി പി എം അണികൾ ചുവന്ന റിബൺ കെട്ടി പാട്ടുപാടി വോട്ടുപിടിച്ച ദൃശ്യം മീഡിയ വൺ ചാനലിൽ നിറം മാറി വന്ന സംഭവമാണ് കെ ടി ജലീലിൻ്റെ പരിഹാസത്തിന് കാരണം. മീഡിയ വൺ ദൃശ്യം അനുസരിച്ച് അണികൾ തലയിൽ കെട്ടിയ റിബണിൻ്റെ നിറം കാവിയായിരുന്നു. സംഭവത്തിൽ ചാനൽ മാപ്പ് പറഞ്ഞിട്ടുണ്ട്. ജലീലിൻ്റെ ഫേസ്ബുക്ക് പോസ്റ്റ് പൂർണ രൂപത്തിൽ താഴെ വായിക്കാം: