National
കനയ്യകുമാറിന്റെ പാര്‍ട്ടി പ്രവേശനം: ആര്‍ജെഡി നിലപാട് അറിയാന്‍ കോണ്‍ഗ്രസ്
സിപിഐ വിട്ട് കോണ്‍ഗ്രസില്‍ ചേരുന്നതുമായി ബന്ധപ്പെട്ട് രാഹുല്‍ ഗാന്ധിയുമായി കനയ്യകുമാര്‍ ചൊവ്വാഴ്ച ചര്‍ച്ച നടത്തിയിരുന്നു. ഗുജറാത്തില്‍ ജിഗ്‌നേഷ് മേവാനിയും കോണ്‍ഗ്രസില്‍ ചേരുമെന്നാണ് വിവരം.
ന്യൂഡല്‍ഹി| കനയ്യകുമാറിനെ പാര്‍ട്ടിയില്‍ പ്രവേശിപ്പിക്കുന്ന വിഷയത്തില്‍ ബിഹാറിലെ സഖ്യകക്ഷിയായ ആര്‍ജെഡിയുടെ നിലപാട് അറിയാന്‍ കോണ്‍ഗ്രസ്. ആര്‍ജെഡിയുമായി ഇക്കാര്യത്തില്‍ ഉടന്‍ ചര്‍ച്ച നടത്തുമെന്ന് കോണ്‍ഗ്രസ് വൃത്തങ്ങള്‍ അറിയിച്ചു. ആര്‍ജെഡിയെ വിശ്വാസത്തിലെടുത്ത് മാത്രമേ മുന്നോട്ട് പോകുകയുള്ളൂ എന്ന് കോണ്‍ഗ്രസ് നേതാക്കള്‍ പറയുന്നു.
സിപിഐ വിട്ട് കോണ്‍ഗ്രസില്‍ ചേരുന്നതുമായി ബന്ധപ്പെട്ട് രാഹുല്‍ ഗാന്ധിയുമായി കനയ്യകുമാര്‍ ചൊവ്വാഴ്ച ചര്‍ച്ച നടത്തിയിരുന്നു. എന്നാല്‍ ഇക്കാര്യത്തില്‍ കനയ്യകുമാര്‍ ഇതുവരെ പ്രതികരിക്കാന്‍ തയ്യാറായിട്ടില്ല. ഗുജറാത്തില്‍ ജിഗ്‌നേഷ് മേവാനിയും കോണ്‍ഗ്രസില്‍ ചേരുമെന്നാണ് വിവരം. കനയ്യകുമാറിനെ പാര്‍ട്ടിയില്‍ ഉള്‍പ്പെടുത്തുന്ന കാര്യം കോണ്‍ഗ്രസ് ഗൗരവമായി ആലോചിക്കുകയാണ്. കനയ്യ എത്തിയാല്‍ യുവാക്കളെ പാര്‍ട്ടിയിലേക്ക് ആകര്‍ഷിക്കാന്‍ സാധിക്കുമെന്നാണ് കോണ്‍ഗ്രസിന്റെ കണക്കുകൂട്ടല്‍.
Latest
ആശ വര്‍ക്കര്‍മാര്‍ക്ക് നാളെ നിര്‍ബന്ധിത പരിശീലനം; ഉത്തരവിറക്കി നാഷണല്‍ ഹെല്‍ത്ത് മിഷന്‍
ഇറാന്‍-ഇസ്‌റാഈല്‍ ഏറ്റുമുട്ടല്‍: ഇന്ത്യന്‍ വിദ്യാര്‍ഥികളെ ഒഴിപ്പിച്ചു തുടങ്ങി; ടെഹ്‌റാനില്‍ നിന്നുള്ള 110 പേര്‍ അര്‍മേനിയയിലെത്തി
മൊസ്സാദിന്റെ ആസ്ഥാനം ലക്ഷ്യമിട്ട് ഇറാൻ മിസൈൽ; കെട്ടിടം അഗ്നിക്കിരയാകുന്ന ദൃശ്യങ്ങൾ പുറത്ത്; ആക്രമണം അഞ്ചാം ദിവസത്തിലേക്ക്
പശ്ചിമേഷ്യയിലെ സ്ഥിതിഗതികള്‍ വഷളാക്കിയത് ഇറാന്‍; ഇസ്‌റാഈലിന് പിന്തുണയുമായി ജി-7 ഉച്ചകോടി
ഇനി വാട്സ്ആപ്പിലും പരസ്യം കാണിക്കും; പുതിയ വരുമാന സ്രോതസ്സ് കണ്ടെത്താൻ മെറ്റ
ഇ ഡി ഉദ്യോഗസ്ഥന്‍ പ്രതിയായ വിജിലന്‍സ് കേസ്: അറസ്റ്റ് രണ്ടാഴ്ചത്തേക്കുകൂടി നീട്ടി ഹൈക്കോടതി
