ദിലീപിന്റെ ഫോണ്‍ വിവരങ്ങള്‍ നശിപ്പിച്ചിട്ടില്ലെന്ന്‌ സായി ശങ്കര്‍

കോഴിക്കോട് |  നടന്‍ ദിലീപിന്റെ ഫോണിലെ വിവരങ്ങളൊന്നും താന്‍ നശിപ്പിച്ചിട്ടില്ലെന്ന് സൈബര്‍ വിദഗ്ധന്‍ സായി ശങ്കര്‍. ഫോണിലെ വിവരങ്ങള്‍ മറ്റാരെങ്കിലും നശിപ്പിച്ചിട്ടുണ്ടോയെന്ന് അറിയില്ല. നുണ പരിശോധനക്ക് തയാറാണ്. രണ്ട് ഫോണിലെ വിവരങ്ങള്‍ കോപ്പി ചെയ്തിട്ടുണ്ടെന്നും സായി ശങ്കര്‍ പറഞ്ഞു.

നേരത്തെ, സായി ശങ്കറിന്റെ വസതിയില്‍ ക്രൈംബ്രാഞ്ച് പരിശോധന നടത്തിയിരുന്നു. ദിലീപിന്റെ ഫോണിലെ വിവരങ്ങള്‍ നശിപ്പിച്ചത് സായിയുടെ ലാപ്പ്ടോപ്പ് ഉപയോഗിച്ചാണെന്ന ക്രൈംബ്രാഞ്ചിന്റെ കണ്ടെത്തലിനെ തുടര്‍ന്നായിരുന്നു പരിശോധന. രണ്ട് ദിവസത്തിനകം ചോദ്യം ചെയ്യലിന് ഹാജരാകണമെന്ന് ചൂണ്ടിക്കാട്ടി സായ് ശങ്കറിന് അന്വേണ സംഘം നോട്ടീസ് നല്‍കിയിട്ടുണ്ട്.