resignation
സി ഐ സിയില്‍ നിന്ന് ജിഫ്രി തങ്ങളും ആലിക്കുട്ടി മുസ്ലിയാരും രാജിവെച്ചു
സി ഐ സിയുമായി ബന്ധപ്പെട്ട ഒരു കാര്യവും ഇതുവരെ കൂടിയാലോചിച്ചിട്ടില്ലെന്ന് ജിഫ്രി തങ്ങൾ വ്യക്തമാക്കി.
കോഴിക്കോട്| സി ഐ സി ഉപദേശക സമിതിയില്‍ നിന്ന് സമസ്ത (ഇ കെ വിഭാഗം) പ്രസിഡന്റ് സയ്യിദ് മുഹമ്മദ് ജിഫ്രി മുത്തുക്കോയ തങ്ങളും ജന. സെക്രട്ടറി പ്രൊഫ. കെ ആലിക്കുട്ടി മുസ്ലിയാരും രാജിവെച്ചു. ഇ കെ സമസ്തയുടെ താല്‍പര്യങ്ങള്‍ക്കു വിരുദ്ധമായി സി ഐ സി ഭരണഘടന ഭേദഗതി ചെയ്തതിനെതിര വിമര്‍ശനം ഉയര്‍ന്ന സാഹചര്യത്തില്‍ രണ്ട് വര്‍ഷംകൂടി ഇവരെ ഉപദേശക സമിതിയില്‍ ഉള്‍പ്പെടുത്തിയിരുന്നു.
എന്നാല്‍, സി ഐ സിയുമായി ബന്ധപ്പെട്ട ഒരു കാര്യവും ഇതുവരെ കൂടിയാലോചിച്ചിട്ടില്ലെന്ന് ജിഫ്രി തങ്ങൾ വ്യക്തമാക്കി. ഈ സാഹചര്യത്തിലാണ് രാജി. സി ഐ സി വിഷയത്തില്‍ സമസ്തയുടെ മാര്‍ഗനിര്‍ദേശങ്ങള്‍ ഇതുവരെ നടപ്പാക്കാത്ത സാഹചര്യത്തില്‍ മുന്‍തീരുമാനത്തില്‍ യാതൊരു മാറ്റവുമില്ലെന്നും എസ് എന്‍ ഇ സിയുടെ പ്രവര്‍ത്തനങ്ങളുമായി മുന്നോട്ടുപോകണമെന്നും അദ്ദേഹം പറഞ്ഞു.
നിർദേശങ്ങൾ പാലിക്കാത്തതിനെ തുടർന്ന് സി ഐ സി മുൻ ജന.സെക്രട്ടറി ആദൃശ്ശേരി അബ്ദുൽ ഹക്കീം ഫൈസിയെ ഇ കെ സമസ്തയിൽ നിന്ന് പുറത്താക്കിയിരുന്നു. നിരന്തര സമ്മർദത്തെ തുടർന്ന് സി ഐ സി ജന.സെക്രട്ടറി സ്ഥാനത്ത് നിന്നുള്ള ആദൃശ്ശേരിയുടെ രാജിക്കത്ത് പ്രസിഡൻ്റ് കൂടിയായ സയ്യിദ് സാദിഖലി തങ്ങൾ വാങ്ങിയിരുന്നു. കഴിഞ്ഞ ദിവസം ആദൃശ്ശേരിയുടെ അടുപ്പക്കാരൻ ഹബീബുല്ല ഫൈസി പള്ളിപ്പുറത്തെ സി ഐ സി ജന.സെക്രട്ടറിയാക്കി സാദിഖലി തങ്ങൾ നിയമിച്ചു. ഈ പശ്ചാത്തലത്തിൽ കൂടിയാണ് ഇ കെ സമസ്ത നേതാക്കളുടെ രാജി.
Latest
ആണ്‍കുട്ടിക്ക് നേരെ ലൈംഗികാതിക്രമം; സിപിഎം പ്രവര്‍ത്തകനെതിരെ കേസ്
എഎപി പ്രചാരണ ഗാനത്തില്‍ മാറ്റം വരുത്തണമെന്ന് കേന്ദ്ര തിരഞ്ഞെടുപ്പ് കമ്മിഷന്‍
ദുഷ്പ്രചാരണം നടത്തിയിട്ട് ഷാഫി ഹരിശ്ചന്ദ്രന്‍ ചമയുന്നുവെന്ന് പി ജയരാജന്‍; ശൈലജയെ ശശികലയോടുപമിച്ച് രാഹുല്‍ മാങ്കൂട്ടത്തില്‍
തൃശൂരില്‍ സുരേഷ് ഗോപി പരാജയപ്പെടും; തുഷാറിനോട് മത്സരിക്കേണ്ട എന്നാണ് പറഞ്ഞത്: വെള്ളാപ്പള്ളി നടേശന്‍
ആരോഗ്യ മേഖലയില്‍ സ്വദേശിവത്ക്കരണം സാധ്യമല്ലെന്ന് റിപ്പോര്‍ട്ട്
ഹൂതി ആക്രമണം; വിദേശ കപ്പലിലെ ജീവനക്കാര്‍ക്ക് വീണ്ടും രക്ഷകരായി ഇന്ത്യന്‍ നാവികസേന
