National
നാടന് ബോംബ് നിര്മ്മാണത്തിനിടെ സ്ഫോടനം; മൂന്നുപേര് മരിച്ചു
പശ്ചിമ ബംഗാളില് മുര്ഷിദാബാദിലെ സഗര്പര ഖൈര്താലയില് ഇന്നലെ രാത്രിയാണ് സംഭവം.
മുര്ഷിദാബാദ് | വീടിനകത്ത് നാടന് ബോംബ് നിര്മ്മാണത്തിനിടെയുണ്ടായ സ്ഫോടനത്തില് മൂന്നുപേര് മരിച്ചു. പശ്ചിമ ബംഗാളില് മുര്ഷിദാബാദിലെ സഗര്പര ഖൈര്താലയില് ഇന്നലെ രാത്രിയാണ് സംഭവം. മാമന് മുല്ല, സാക്കിറുല് സര്ക്കാര്, മുസ്താഖിന് ഷെയ്ഖ് എന്നിവരാണ് മരിച്ചത്.
നിര്മ്മാണത്തിനിടെ ബോംബ് പൊട്ടിത്തെറിക്കുകയായിരുന്നു. മാമുന് മൊല്ല എന്നയാളുടെ വീട്ടിലാണ് സ്ഫോടനമുണ്ടായത്. വീടിന്റെ മേല്ക്കൂരയും ചുമരുകളും പൊട്ടിത്തെറിയില് തകര്ന്നു. വീട്ടില് നിന്ന് വന് ശബ്ദം കേട്ടതായും എന്നാല് എന്താണ് സംഭവിച്ചതെന്ന് ആദ്യം മനസ്സിലായില്ലെന്നും അയല്വാസികള് പറഞ്ഞു.
പോലീസ് ഉദ്യോഗസ്ഥരും ബോംബ് സ്ക്വാഡും സ്ഥലത്തെത്തി പരിശോധന നടത്തി. സംഭവ സ്ഥലത്ത് പോലീസിനെ നിയോഗിച്ചിട്ടുണ്ട്. അന്വേഷണം നടന്നുവരികയാണ്.
Latest
ഭാരതപ്പുഴയില് കുളിക്കാനിറങ്ങിയ നാലംഗ കുടുംബം ഒഴുക്കില്പ്പെട്ടു; ഒരാളെ രക്ഷപ്പെടുത്തി
ഗസ്സയില് ആക്രമണം അതിരൂക്ഷം: വെടിനിര്ത്തലില് നിന്ന് പിന്മാറാന് തന്ത്രം മെനഞ്ഞ് ഇസ്റാഈല്
യുവതി വീട്ടിനുള്ളില് മരിച്ച സംഭവം: ഒപ്പം താമസിച്ച തമിഴ്നാട് സ്വദേശി പിടിയില്
മാര്ച്ച് 31നകം ആര് സി ബുക്ക് ഡിജിറ്റലാകും
മുണ്ടക്കൈ പുനര്നിര്മാണം: എസ് സുഹാസിന് പൂര്ണ ഉത്തരവാദിത്വം
റോഡ് കെട്ടിയടച്ചല്ല സമരം നടത്തേണ്ടതെന്ന് ജി സുധാകരന്
