Uae
ദുബൈ വിമാനത്താവളം ഒന്നാം ടെര്മിനലിലേക്കുള്ള പാലം തുറന്നു; ശേഷിയില് 33 ശതമാനം വര്ധന
നേരത്തെയുണ്ടായിരുന്ന മൂന്ന് പാതകള് നാലായി ഉയര്ത്തിയതോടെ മണിക്കൂറില് 5,600 വാഹനങ്ങള്ക്ക് ഇതുവഴി കടന്നുപോകാന് സാധിക്കും.
ദുബൈ | രാജ്യാന്തര വിമാനത്താവളത്തിലെ ഒന്നാം ടെര്മിനലിലേക്കുള്ള വിപുലീകരിച്ച പുതിയ പാലം ദുബൈ റോഡ് ട്രാന്സ്പോര്ട്ട് അതോറിറ്റി (ആര് ടി എ) ഉദ്ഘാടനം ചെയ്തു. ദുബൈ ഏവിയേഷന് എന്ജിനീയറിങുമായി സഹകരിച്ച് പൂര്ത്തിയാക്കിയ ഈ പദ്ധതിയിലൂടെ പാലത്തിന്റെ ഗതാഗത ശേഷിയില് 33 ശതമാനം വര്ധനയുണ്ടായി. നേരത്തെയുണ്ടായിരുന്ന മൂന്ന് പാതകള് നാലായി ഉയര്ത്തിയതോടെ മണിക്കൂറില് 5,600 വാഹനങ്ങള്ക്ക് ഇതുവഴി കടന്നുപോകാന് സാധിക്കും.
വിമാനത്താവളത്തിലേക്കുള്ള വാഹനങ്ങളുടെ തിരക്ക് കുറക്കാനും യാത്രാ സമയം ലാഭിക്കാനും പുതിയ പരിഷ്കാരം സഹായിക്കും. എയര്പോര്ട്ട് റോഡിലെ ഗതാഗത തടസ്സങ്ങള് ഒഴിവാക്കി സുഗമമായ യാത്ര ഉറപ്പാക്കുന്നതിനാണ് ആര് ടി എ മുന്ഗണന നല്കുന്നത്. റോഡ് ശൃംഖലയുടെ കാര്യക്ഷമത വര്ധിപ്പിക്കുന്നതിനും പ്രധാന കേന്ദ്രങ്ങള് തമ്മിലുള്ള ബന്ധം മെച്ചപ്പെടുത്തുന്നതിനുമുള്ള പദ്ധതികളുടെ ഭാഗമായാണ് ഈ നിര്മാണം.
നൂതനമായ സാങ്കേതികവിദ്യ ഉപയോഗിച്ചാണ് പാലത്തിന്റെ നിര്മാണം പൂര്ത്തിയാക്കിയത്. എയര്പോര്ട്ട് സ്ട്രീറ്റിലെ ഗതാഗതം തടസ്സപ്പെടുത്താതെയും താത്കാലിക സപ്പോര്ട്ടുകള് ഉപയോഗിക്കാതെയും അതിവേഗത്തില് നിര്മാണം പൂര്ത്തിയാക്കാന് സാധിച്ചുവെന്ന് അധികൃതര് പറഞ്ഞു. ലോകത്തെ ഏറ്റവും തിരക്കേറിയ വിമാനത്താവളത്തിന്റെ വളര്ച്ച പരിഗണിച്ചുള്ള അടിസ്ഥാന സൗകര്യ വികസനമാണ് ഇതിലൂടെ ലക്ഷ്യമിടുന്നത്.
Latest
കേന്ദ്ര ഏജന്സികളില് നിന്ന് സംരക്ഷണം വേണം; സുപ്രീം കോടതി ചീഫ് ജസ്റ്റിസിനോട് അഭ്യര്ഥനയുമായി മമത
രാജേന്ദ്രന് ബി ജെ പിയില് പോയതുകൊണ്ട് സി പി എമ്മിന് ഒരു ചുക്കും സംഭവിക്കില്ല; പുകഞ്ഞ കൊള്ളി പുറത്ത്: എം എം മണി
അവസാനം വരെ ആവേശം; ഒടുവില് കപ്പടിച്ച് കണ്ണൂര്
രാജ്യത്തിന്റെ സ്ഥിരതക്കും ഐക്യത്തിനും മുന്ഗണനയെന്ന് യു എ ഇ ഭരണാധികാരികള്
ദുബൈ വിമാനത്താവളം ഒന്നാം ടെര്മിനലിലേക്കുള്ള പാലം തുറന്നു; ശേഷിയില് 33 ശതമാനം വര്ധന
വെട്ടേറ്റാല് വീരാളിപ്പട്ട് പുതച്ച് കിടക്കും; ഭിന്നിപ്പിനുള്ള ഇടത് തന്ത്രത്തിന്റെ ഉപകരണമാകരുത് വെള്ളാപ്പള്ളി: വി ഡി സതീശന്
