Nipah virus
നിപ ഭീതി ഒഴിഞ്ഞതിനാൽ കണ്ടെയ്ൻമെന്റ് വാർഡുകളിൽ ഇളവ്; പാഴൂരിൽ നിയന്ത്രണം തുടരും
നിപ സമ്പര്ക്കപ്പട്ടികയിലുള്ള മൂന്ന് പേരുടെ പരിശോധനാ ഫലം കൂടി നെഗറ്റീവായി.
കണ്ടെന്മെന്റ് സോണില് നിര്ത്തിവച്ചിരുന്ന വാക്സിനേഷന് ബുധനാഴ്ച മുതല് പുനരാരംഭിക്കും. ഇനി വാക്സിന് എടുക്കാന് ബാക്കിയുള്ളവരെ കണ്ടെത്തി കൃത്യമായ ആക്ഷന് പ്ലാനോടെയാണ് വാക്സിനേഷന് നടത്തുന്നത്. രോഗലക്ഷണമുള്ളവര് ഒരു കാരണവശാലും വാക്സിനെടുക്കാന് പോകരുത്. 9,593 പേരാണ് കണ്ടൈന്മെന്റ് വാര്ഡുകളില് ഇനി ആദ്യഡോസ് വാക്സിന് എടുക്കാനുള്ളത്. 500 മുതല് 1,000 വരെയുള്ള പല സെക്ഷനുകള് തിരിച്ചായിരിക്കും വാക്സിന് നല്കുക.
അതേസമയം നിപ സമ്പര്ക്കപ്പട്ടികയിലുള്ള മൂന്ന് പേരുടെ പരിശോധനാ ഫലം കൂടി നെഗറ്റീവായി. എന് ഐ വി പൂനയിലാണ് ഇത് പരിശോധിച്ചത്. ഇതോടെ 143 പേരുടെ സാമ്പിളുകളാണ് നെഗറ്റീവായത്. നിയന്ത്രണങ്ങളില് ഇളവ് വരുത്തിയെങ്കിലും എല്ലാവരും ജാഗ്രത തുടരണമെന്നും മന്ത്രി അഭ്യര്ഥിച്ചു.