Kerala
വോട്ടിനായി കിറ്റ് വിതരണം ചെയ്തെന്ന പരാതി; ബി ജെ പി പ്രാദേശിക നേതാവിനെതിരെ കേസെടുത്തു
കിറ്റുകള് ഓര്ഡര് ചെയ്ത പാര്ട്ടിയുടെ പ്രാദേശിക നേതാവ് രാധാകൃഷ്ണനെ ഒന്നാം പ്രതിയാക്കിയാണ് തൃശൂര് വെസ്റ്റ് പോലീസ് കേസെടുത്തത്.
തൃശൂര് | തിരഞ്ഞെടുപ്പ് പ്രചാരണത്തിനിടെ വോട്ടിനായി ബി ജെ പി കിറ്റ് വിതരണം നടത്തിയെന്ന പരാതിയില് കേസെടുത്ത് പോലീസ്. കിറ്റുകള് ഓര്ഡര് ചെയ്ത പാര്ട്ടിയുടെ പ്രാദേശിക നേതാവ് രാധാകൃഷ്ണനെ ഒന്നാം പ്രതിയാക്കിയാണ് തൃശൂര് വെസ്റ്റ് പോലീസ് കേസെടുത്തത്. ഇയാള്ക്കെതിരെ ജനപ്രാതിനിധ്യ നിയമപ്രകാരമുള്ള വകുപ്പുകളുള്പ്പെടെ ചുമത്തി.
ഇലക്ഷന് ഫ്ളയിങ് സ്ക്വാഡ് നടത്തിയ പരിശോധനയില് 900 രൂപ വിലയുള്ള 26 കിറ്റാണ് തൃശൂര് ഒളരിയിലെ കാര്ത്തിക സൂപ്പര്മാര്ക്കറ്റില് നിന്ന് പിടികൂടിയത്. രാധാകൃഷ്ണന്റെ നിര്ദേശ പ്രകാരം സൂപ്പര്മാര്ക്കറ്റില് നിന്ന് അമ്പതോളം പേര് കിറ്റ് വാങ്ങിയെന്ന് സി പി എം പ്രവര്ത്തകര് പരാതിപ്പെട്ടിരുന്നു. ഇതിന്റെ അടിസ്ഥാനത്തിലായിരുന്നു പരിശോധന.
സൂപ്പര്മാര്ക്കറ്റിന്റെ പിറകിലാണ് കിറ്റുകള് തയ്യാറാക്കി വച്ചിരിക്കുന്നത്. രാധാകൃഷ്ണന് എന്നയാള് പറഞ്ഞിട്ട് വിഷുവിനായി തയ്യാറാക്കിയ കിറ്റുകളാണ് ഇതെന്നാണ് കടയുടമയുടെ ന്യായീകരണം. 75 കിറ്റുകളാണ് തയ്യാറാക്കിയിരുന്നത്. ഇതില് 50 എണ്ണം കൊണ്ടുപോയെന്നും കടയുടമ പറഞ്ഞു. പരിശോധനക്ക് പിന്നാലെ സൂപ്പര് മാര്ക്കറ്റ് അടപ്പിച്ചു.
Latest
വിനോദസഞ്ചാര കേന്ദ്രത്തിലെത്തിയ 12 കാരി ഇടിമിന്നലേറ്റ് മരിച്ചു
മഴ മുന്നറിയിപ്പില് മാറ്റം; നാല് ജില്ലകളില് ഇന്ന് ശക്തമായ മഴക്ക് സാധ്യത, യെല്ലോ അലര്ട്ട്
ശരണ്യക്കായി തിരച്ചില് ഊർജിതമെന്ന് ഡി കെ ശിവകുമാർ; ആന്റി നക്സൽ ഫോഴ്സ് രംഗത്ത്,
തൃശൂരില് വീണ്ടും കിറ്റ് വിവാദം; വാടാനപ്പള്ളിയില് വിതരണത്തിനായി ബിജെപി രണ്ടായിരത്തോളം കിറ്റുകള് തയ്യാറാക്കിയതായി ആരോപണം
കാസര്കോട് മുതല് എറണാകുളം വരെ എണ്ണുമ്പോള് യുഡിഎഫ് കേവല ഭൂരിപക്ഷം കടക്കും; ഒരു ഡസന് മന്ത്രിമാരെങ്കിലും പരാജയപ്പെടുമെന്നും വി ഡി സതീശന്
കോഴിക്കോട് അമ്മത്തൊട്ടിലില് വീണ്ടും കുഞ്ഞ്: ‘കനിവ്’ എത്തി
