International
ലോകകപ്പ് യോഗ്യതാ മത്സരത്തിനുള്ള ടീമിനെ പ്രഖ്യാപിച്ച് ബ്രസീല്‍; റോബര്‍ടോ ഫിര്‍മീനോയും ഗബ്രിയേല്‍ ജെസൂസും പുറത്ത്
ആഴ്‌സണലിന്റെ 20കാരന്‍ ഫോര്‍വേഡ് ഗബ്രിയേല്‍ മാര്‍ട്ടിനെല്ലി ടീമില്‍ ഇടം നേടി
ബ്രസീലിയ | ഈ മാസാവസാനം നടക്കാനിരിക്കുന്ന അവസാന വട്ട ലോകകപ്പ് യോഗ്യതാ മത്സരങ്ങള്‍ക്കുള്ള ടീമിനെ പ്രഖ്യാപിച്ച് ബ്രസീല്‍. റോബര്‍ട്ടോ ഫിര്‍മീനോ, ഗബ്രിയേല്‍ ജെസൂസ് എന്നി സൂപ്പര്‍ താരങ്ങള്‍ ടീമില്‍ ഇല്ല. പകരം ആഴ്‌സണലിന്റെ 20കാരന്‍ ഫോര്‍വേഡ് ഗബ്രിയേല്‍ മാര്‍ട്ടിനെല്ലി ടീമില്‍ ഇടം നേടി. ഇത് ആദ്യമായാണ് മാര്‍ട്ടിനെല്ലി ദേശീയ ടീമില്‍ ഇടംപിടിക്കുന്നത്. എന്നാല്‍ നെയ്മര്‍ ടീമില്‍ തിരികെയെത്തിയിട്ടുണ്ട്.
പ്രീമിയര്‍ ലീഗില്‍ ആഴ്‌സണലിനായി മികച്ച പ്രകടനം നടത്തിയതോടെയാണ് മാര്‍ട്ടിനെല്ലിയെ ടിറ്റെ ടീമിലേക്ക് വിളിക്കുന്നത്. ടീമില്‍ നിന്ന് പുറത്തായ ഫിര്‍മീനോയും ജെസൂസും ലോകകപ്പ് ടീമില്‍ കളിച്ചേക്കില്ല. ലാറ്റിനമേരിക്കന്‍ മേഖലയിലെ പോയിന്റ് പട്ടികയില്‍ ഒന്നാമതുള്ള ബ്രസീല്‍ ലോകകപ്പ് യോഗ്യത ഉറപ്പാക്കിയിട്ടുണ്ട്. ചിലി, ബൊളീവിയ എന്നിവര്‍ക്കെതിരെയാണ് ബ്രസീലിന്റെ അവസാനത്തെ രണ്ട് മത്സരങ്ങള്‍.
ഖത്വര്‍ ലോകകപ്പിലെ ഗ്രൂപ്പ് നറുക്കെടുപ്പ് ഏപ്രില്‍ ഒന്നിന് നടക്കും. ഇക്കൊല്ലം നവംബര്‍-ഡിസംബര്‍ മാസങ്ങളിലായാണ് ഫുട്‌ബോള്‍ ലോകകപ്പ്. യുക്രൈനെതിരെ നടത്തുന്ന അധിനിവേശത്തിന്റെ പശ്ചാത്തലത്തില്‍ റഷ്യയെ ലോകകപ്പില്‍ നിന്ന് വിലക്കിയിരിക്കുകയാണ്.
32 ടീമുകളാണ് ലോകകപ്പില്‍ കളിക്കുക. ആതിഥേയരായ ഖത്വര്‍, നിലവിലെ ചാമ്പ്യന്മാരായ ഫ്രാന്‍സ്, ബ്രസീല്‍, അര്‍ജന്റീന തുടങ്ങി 15 ടീമുകള്‍ ഇതിനകം ലോകകപ്പ് യോഗ്യത ഉറപ്പിച്ചു. ശേഷിക്കുന്ന സ്ഥാനങ്ങള്‍ക്കായുള്ള പ്ലേ ഓഫ് മത്സരങ്ങള്‍ വൈകാതെ നടക്കും.
Latest
പതിനേഴുകാരിയെ വിവാഹ വാഗ്ദാനം നല്‍കി നിരന്തരം പീഡിപ്പിച്ചു; 24കാരന്‍ പിടിയില്‍
അതിതീവ്ര മഴ; തമിഴ്‌നാട്ടിൽ 4 ജില്ലകളിൽ റെഡ് അലർട്ട്
ലോക്‌സഭാ തിരഞ്ഞെടുപ്പ്: 8889 കോടിയുടെ പണവും സാധനങ്ങളും പിടിച്ചെടുത്തു; പിടിച്ചെടുത്തവയില്‍ 3,959 കോടിയുടെ മയക്ക്മരുന്നും
പ്ലസ് വണ്‍ സീറ്റ് വിവാദം എല്ലാ വര്‍ഷവും ഉള്ളതാണ് അതില്‍ രാഷ്ട്രീയ മുതലെടുപ്പ് നടത്തരുത്; മന്ത്രി വി ശിവന്‍കുട്ടി
അര്‍ഹരായ എല്ലാ ബിപിഎല്‍ അപേക്ഷകര്‍ക്കും വാട്ടര്‍ അതോറിറ്റി സൗജന്യ കുടിവെള്ളം നല്‍കും
അതിജീവിതയെ അപമാനിക്കുന്ന തരത്തില്‍ വാര്‍ത്തകള്‍ നല്‍കരുത്; കര്‍ശനമായി ഇടപെടേണ്ട സ്ഥിതിയെന്ന് വനിത കമ്മിഷന്‍ അധ്യക്ഷ
