Kerala
ശബരിമല മകരവിളക്കിന് 800 കെഎസ്ആര്ടിസി ബസുകള് സര്വീസ് നടത്തും
നിലയ്ക്കലിലേക്ക് പോകുന്ന ഭക്തജനങ്ങള് പരമാവധി ചെയിന് സര്വീസുകള് ഉപയോഗപ്പെടുത്തണം
തിരുവനന്തപുരം | ശബരിമല മകരവിളക്ക് മഹോത്സവത്തിന് 800 കെഎസ്ആര്ടിസി ബസുകള് സര്വീസ് നടത്തുമെന്ന് ഗതാഗത വകുപ്പ് മന്ത്രി കെ ബി ഗണേഷ് കുമാര്. പമ്പ ശ്രീരാമസാകേതം ഓഡിറ്റോറിയത്തില് ചേര്ന്ന ഗതാഗത വകുപ്പ് ഉദ്യോഗസ്ഥരുടെ യോഗത്തില് സംസാരിക്കുകയായിരുന്നു മന്ത്രി. ബസിന്റെ ഉള്ളിലേക്ക് കയറുന്നതിനുമായി നാലു ബാരിക്കേഡുകള് സ്ഥാപിക്കും. പമ്പയിലും ഇതേ മാതൃകയില് ബാരിക്കേഡുകള് സ്ഥാപിക്കുമെന്നും മന്ത്രി പറഞ്ഞു.
പമ്പയില് നിന്നും ആരംഭിക്കുന്ന ദീര്ഘദൂര ബസുകളില് ആളുകള് നിറഞ്ഞു കഴിഞ്ഞാല് അവ നിലയ്ക്കല് ബസ് സ്റ്റാന്റില് കയറേണ്ടതില്ല. എന്നാല് ബസില് ആളുകള് കുറവെങ്കില് നിലയ്ക്കലില് കയറണം. നിലയ്ക്കലിലേക്ക് പോകുന്ന ഭക്തജനങ്ങള് പരമാവധി ചെയിന് സര്വീസുകള് ഉപയോഗപ്പെടുത്തണം.ഇവ ജനങ്ങളിലെത്തിക്കുന്നതിന് വിവിധ ഭാഷകളില് ബോര്ഡുകള് സ്ഥാപിക്കും.
അനൗണ്സ്മെന്റ് സൗകര്യവും ഒരുക്കും.കെഎസ്ആര്ടിസി ഡ്രൈവര്മാര്ക്കും, ദീര്ഘദൂര ബസുകളിലെ ഡൈവര്മാര്ക്കും വിശ്രമിക്കുന്നതിനുള്ള സൗകര്യമൊരുക്കുമെന്നും മന്ത്രി വ്യക്തമാക്കി