Kerala
ചൊവ്വാഴ്ച വരെ 12 ജില്ലകളില് ചൂട് തുടരും
ആലപ്പുഴ, കോഴിക്കോട് ജില്ലകളിലെ ചില പ്രദേശങ്ങളില് ഇന്ന് ഉയര്ന്ന രാത്രി താപനില തുടരാനും സാധ്യതയുണ്ട്.
തിരുവനന്തപുരം | ചൊവ്വാഴ്ച വരെ സംസ്ഥാനത്ത് കടുത്ത ചൂട് തുടരുമെന്ന് കേന്ദ്ര കാലാവസ്ഥ വകുപ്പ് . ഉഷ്ണ തരംഗ മുന്നറിയിപ്പ് ഇല്ലെങ്കിലും ജാഗ്രതയുടെ ഭാഗമായി ഇടുക്കിയും വയനാടും ഒഴികെയുള്ള ജില്ലകളില് കാലാവസ്ഥ വകുപ്പ് യെല്ലോ അലര്ട്ട് പ്രഖ്യാപിച്ചു.
പാലക്കാട് ജില്ലയില് ചൊവ്വാഴ്ച വരെ ഉയര്ന്ന താപനില 39°C വരെയും കൊല്ലം, ആലപ്പുഴ, തൃശൂര്, കണ്ണൂര്, കോഴിക്കോട് ജില്ലകളില് 37°C വരെയും തിരുവനന്തപുരം, പത്തനംതിട്ട, എറണാകുളം, കോട്ടയം, മലപ്പുറം, കാസര്കോട് ജില്ലകളില് 36°C വരെയും സാധാരണയെക്കാള് 2 – 4°C കൂടുതല് താപനില രേഖപ്പെടുത്താന് സാധ്യതയുണ്ടെന്നും കാലാവസ്ഥ വകുപ്പ് അറിയിച്ചു.
അതേസമയം ആലപ്പുഴ, കോഴിക്കോട് ജില്ലകളിലെ ചില പ്രദേശങ്ങളില് ഇന്ന് ഉയര്ന്ന രാത്രി താപനില രേഖപ്പെടുത്താന് സാധ്യതയുള്ളതിനാല് ജാഗ്രത പാലിക്കണമെന്നും മുന്നറിയിപ്പുണ്ട്.