National
എ ടി എമ്മില്‍ പണമില്ലെങ്കില്‍ ഇനി ബേങ്കുകള്‍ക്ക് പിഴ
ന്യൂഡല്‍ഹി | എ ടി എമ്മില്‍ പണമില്ലെങ്കില്‍ ബേങ്കുകള്‍ക്ക് പിഴ ചുമത്താന്‍ പൊതുജന താത്പര്യാര്‍ഥം റിസര്‍വ് ബാങ്ക് ഓഫ് ഇന്ത്യയുടെ തീരുമാനം. യഥാസമയം പണം നിറക്കാത്തതിനെ തുടര്‍ന്ന് പ്രവര്‍ത്തന രഹിതമായി കിടക്കുന്ന എ ടി എമ്മുകളെ കുറിച്ച് അവലോകനം നടത്തിയെന്നും ഇത് പൊതുജനങ്ങള്‍ക്ക് അസൗകര്യമുണ്ടാക്കുന്നുണ്ടെന്നും വിലയിരുത്തലിലാണ് നടപടിയെന്നും റിസര്‍വ് ബേങ്ക്.
ഒക്ടോബര്‍ ഒന്ന് മുതല്‍ പിഴ ഈടാക്കല്‍ ആരംഭിക്കും. മാസത്തില്‍ പത്ത് മണിക്കൂറില്‍ കൂടുതല്‍ സമയം എ ടി എം കാലിയായാല്‍ പതിനായിരം രൂപ പിഴയീടാക്കും. വൈറ്റ് ലേബല്‍ എ ടി എമ്മുകളുടെ കാര്യത്തില്‍ ആ ഡബ്ല്യു എല്‍ എക്ക് പണം നല്‍കുന്ന ബേങ്കിനായിരിക്കും പിഴ ചുമത്തുക.
ബേങ്കുകള്‍, എ ടി എം ഓപ്പറേറ്റര്‍മാര്‍ എന്നിവര്‍ എ ടി എമ്മുകളില്‍ പണത്തിന്റെ ലഭ്യത നിരീക്ഷിക്കുകയും പണലഭ്യത ഉറപ്പുവരുത്തുകയും ചെയ്യുന്നതിനായി തങ്ങളുടെ സംവിധാനങ്ങള്‍ ശക്തിപ്പെടുത്തണം. ഇതുമായി ബന്ധപ്പെട്ട ലംഘനങ്ങളെ ഗൗരവത്തോടെ സമീപിക്കുമെന്നും റിസര്‍വ് ബേങ്ക് സര്‍ക്കുലറില്‍ പറയുന്നു.
Latest
ചട്ടലംഘന നോട്ടീസില്‍ വി സിക്ക് വിശദീകരണം നല്‍കാതെ ജോയിന്റ് രജിസ്ട്രാര്‍ അവധിയില്‍ പ്രവേശിച്ചു
കടമക്കുടി ഭൂമിയിലെ ഏറ്റവും മനോഹര ഗ്രാമമെന്ന് ആനന്ദ് മഹീന്ദ്ര; എപ്പോഴും സ്വാഗതമെന്ന് മന്ത്രി പി എ മുഹമ്മദ് റിയാസ്
ബ്രിക്‌സ് ഉച്ചകോടിയിൽ യു എ ഇ സംഘം
മലപ്പുറം തലപ്പാറയില്‍ കാറിടിച്ച് തോട്ടില്‍ വീണ ബൈക്ക് യാത്രികനെ കണ്ടെത്താനായില്ല; തിരച്ചില്‍ തുടരുന്നു
കനത്ത മഴയില്‍ ഹെലികോപ്റ്റര്‍ ഇറക്കാനായില്ല; ഉപരാഷ്ട്രപതിയുടെ ഗുരുവായൂര്‍ സന്ദര്‍ശനം മുടങ്ങി
പാലക്കാട് ഹോട്ടലില്‍ ഭക്ഷണം കഴിക്കാനെത്തിയ കുടുംബത്തിന് മര്‍ദ്ദനം; ആക്രമണം മദ്യലഹരിയില്‍
