National
ടോക്യോ ഒളിമ്പിക്സ് :സാനിയ മിര്സ -അങ്കിത റെയ്ന സഖ്യം പുറത്ത്
ടോക്യോ | ഒന്നാം റൗണ്ടിലെ പരാജയത്തോടെ സാനിയ മിര്സ അങ്കിത റെയ്ന സഖ്യം ഒളിമ്പിക്സില് നിന്ന് പുറത്തായി. ഉക്രെയിന് ഇരട്ടകളായ നാദിയ, ലുഡ്മില കിച്ചനോക് സഖ്യത്തോട് 6-0, 6(0)7, 8-10 എന്നിങ്ങനെ സെറ്റുകള്ക്കാണ് ആദ്യ റൗണ്ടില് തന്നെ പരാജയപ്പെട്ട് പുറത്തായത്.
ആദ്യ സെറ്റ് നേടി രണ്ടാം സെറ്റില് ഇന്ത്യന് സഖ്യം മുന്നിട്ടുനിന്നുവെങ്കിലും ഉക്രെയിന് സഖ്യം പിന്നീട് കളി പിടിച്ചെടുക്കുകയായിരുന്നു. രണ്ടാം സെറ്റ് നഷ്ടപ്പെട്ട ഇന്ത്യന് സഖ്യത്തിന് നിര്ണ്ണായകമായ മൂന്നാം സെറ്റുകൂടെ കൈവിട്ടപ്പോള് പരാജയം പൂര്ണ്ണമാവുകയായിരുന്നു.
സാനിയ മിര്സയുടെ നാലാം ഒളിമ്പിക്സും അങ്കിതയുടെ ആദ്യ ഒളിമ്പിക്സുമായിരുന്നു ടോക്യോയിലേത്. ടെന്നിസില് ഇനി ഇന്ത്യയുടെ ഏക മെഡല് പ്രതീക്ഷ പുരുഷ സിംഗിള്സില് പങ്കെടുക്കുന്ന സുമിത് നാഗലില് ആണ്
---- facebook comment plugin here -----