National
മധ്യപ്രദേശില് കിണര് ഇടിഞ്ഞുണ്ടായ ദുരന്തത്തില് മരിച്ചവരുടെ എണ്ണം 11 ആയി
ഭോപ്പാല് | മധ്യപ്രദേശിലെ വിദിഷയില് കിണര് ഇടിഞ്ഞുണ്ടായ ദുരന്തത്തില് മരിച്ചവരുടെ എണ്ണം 11 ആയി ഉയര്ന്നു. കിണറ്റില് വീണ കുട്ടിയെ രക്ഷപ്പെടുത്താന് ശ്രമിക്കുന്നതിനിടെ കിണറിന്റെ മേല്ത്തട്ട് ഇടിഞ്ഞുവീണാണ് അപകടമുണ്ടായത്. 30 പേരാണ് കിണറ്റില് വീണത്. ഇതില് 19 പേരെ രക്ഷപ്പെടുത്താനായി.
മധ്യപ്രദേശിലെ വിദിഷ ജില്ലയിലെ ഗഞ്ച്ബസോദയിലായിരുന്നു സംഭവം. കഴിഞ്ഞ വ്യാഴാഴ്ച രാത്രിയിലാണ് കൗമാരക്കാരന് കിണറില് വീണത്. കുട്ടിയെ രക്ഷപ്പെടുത്താന് ആളുകള് കൂട്ടത്തോടെ എത്തിയപ്പോള് കിണറിന്റെ ചുറ്റുമുള്ള മണ്ണ് ഇടിഞ്ഞുവീഴുകയായിരുന്നു.
50 അടി താഴ്ചയുള്ള കിണറ്റില് ഇരുപത് അടിയോളം വെള്ളമുണ്ടായിരുന്നു.
മരിച്ചവരുടെ കുടുംബാംഗങ്ങള്ക്ക് രണ്ടു ലക്ഷം രൂപ ധനസഹായമായി നല്കുമെന്ന് പ്രധാനമന്ത്രിയുടെ ഓഫീസ് അറിയിച്ചു. അഞ്ച് ലക്ഷം രൂപ സംസ്ഥാന സര്ക്കാര് നല്കുമെന്ന് മുഖ്യമന്ത്രി ശിവരാജ് സിംഗ് ചൗഹാനും അറിയിച്ചു. പരുക്കേറ്റവര്ക്ക് 50,000 രൂപയും ധനസഹായമായി നല്കും.