Gulf
വാക്‌സീന്‍ എടുക്കാതെ കുവൈത്തിലേക്ക് വരുന്ന ഗാര്‍ഹിക തൊഴിലാളികള്‍ക്ക് 14 ദിവസത്തെ ക്വാറന്റൈന്‍
കുവൈത്ത് സിറ്റി | വാക്‌സീന്‍ എടുക്കാതെ കുവൈത്തിലേക്ക് വരുന്ന ഗാര്‍ഹിക തൊഴിലാളികള്‍
പതിനാല് ദിവസത്തെ ഹോട്ടല്‍ ക്വാറന്റൈന്‍ അനുഷ്ഠിക്കണമെന്ന് സിവില്‍ ഏവിയേഷന്‍. കൂടാതെ 72 മണിക്കൂര്‍ സാധുതയുള്ള പി സി ആര്‍ പരിശോധനാ റിപ്പോര്‍ട്ടും യാത്രക്കാരന്‍ ഹാജരാക്കണം. തൊഴിലാളി യുടെ ഹോട്ടല്‍ ക്വാറന്റൈന്‍ ചെലവ് സ്‌പോണ്‍സര്‍ ആണ് വഹിക്കേണ്ടത്. കഴിഞ്ഞ ദിവസം ചേര്‍ന്ന മന്ത്രിസഭാ യോഗമാണ് ആഗസ്റ്റ് ഒന്നുമുതല്‍ വാക്‌സീന്‍ സ്വീകരിച്ച വിദേശികള്‍ക്ക് കുവൈത്തിലേക്ക് പ്രവേശനാനുമതി നല്‍കിയത്. എന്നാല്‍, ഇതില്‍ വാക്‌സിനേഷന്‍ നിബന്ധനയില്‍ നിന്നും ഗാര്‍ഹിക തൊഴിലാളികളെ ഒഴിവാക്കിയിരുന്നു. ഇതിന് പകരമായാണ് ഇവര്‍ക്കു പതിനാല് ദിവസത്തെ ഇന്‍സ്റ്റിറ്റിയൂഷണല്‍ ക്വാറന്റൈന്‍ ഏര്‍പ്പെടുത്താന്‍ ഇപ്പോള്‍ തീരുമാനിച്ചിരിക്കുന്നത്.
കുവൈത്തില്‍ കഴിഞ്ഞ 24 മണിക്കൂറിനിടെ 1,497പുതിയ കൊവിഡ് വൈറസ് കേസ് കൂടി റിപ്പോര്‍ട്ട് ചെയ്തു. ഇതോടെ രാജ്യത്തെ ആകെ രോഗബാധിതരുട എണ്ണം 3,37,371 ആയി ഉയര്‍ന്നു. 11 മരണങ്ങളും റിപ്പോര്‍ട്ട് ചെയ്തു. 1,388 പേര്‍ രോഗമുക്തി നേടി. 1,0365 പുതിയ കൊവിഡ് പരിശോധനകള്‍ നടത്തി. 17,090 പേര്‍ ചികിത്സയിലും 209 പേര്‍ തീവ്ര പരിചരണ വിഭാഗത്തിലുമാണ്. 14.44 ശതമാനമാണ് ടെസ്റ്റ് പോസിറ്റീവിറ്റി നിരക്ക്.
Latest
ദുബൈയില്‍ കരാര്‍ മേഖലക്ക് പുതിയ നിയമം; നഗരവികസന, സാമ്പത്തിക വളര്‍ച്ചക്കായി വ്യക്തമായ ചട്ടക്കൂട് രൂപപ്പെടുത്തുക ലക്ഷ്യം
ഹൃദയാഘാതത്തെ തുടര്‍ന്ന് യുവാവ് റോഡില്‍ കുഴഞ്ഞുവീണു; യാദൃച്ഛികമായി എത്തിയ ഡോക്ടര്‍ രക്ഷകനായി
മണ്ണാര്‍ക്കാട് സി പി എം ഏരിയാ കമ്മിറ്റി ഓഫീസിനു നേരെ പടക്കമേറ്; സി പി എം പ്രവര്‍ത്തകന്‍ അറസ്റ്റില്‍
അല്‍ നഹ്ദയില്‍ മലയാളി യുവതിയും കുഞ്ഞും മരിച്ച സംഭവം: ഫോറന്‍സിക് റിപോര്‍ട്ട് പുറത്ത്
യോഗ്യതയില്ലാത്ത വിദേശ നിക്ഷേപകര്‍ക്ക് ക്രെഡിറ്റ് സൂയിസ് ബോണ്ടുകള്‍ വിറ്റു; എച്ച് ഡി എഫ് സി ബേങ്കിനെതിരെ ഇന്ത്യയില്‍ അന്വേഷണം
കീം: പുതുക്കിയ റാങ്ക് പട്ടികയ്‌ക്കെതിരെ കേരള സിലബസ് വിദ്യാര്‍ഥികള്‍ സുപ്രീം കോടതിയിലേക്ക്
