National
തിരുവള്ളുവറിനെ കാവി പുതപ്പിക്കാനുള്ള നീക്കത്തില്‍ ഇടപെട്ട് ഡി എം കെ സര്‍ക്കാര്‍
ചെന്നൈ | തമിഴ് കവിയും തത്വചിന്തകനുമായ തിരുവള്ളുവറിനെ കാവി പുതപ്പിക്കാനുള്ള സംഘ്പരിവാര്‍ നീക്കത്തിന് തടയിട്ട് തമിഴ്‌നാട്ടിലെ ഡി എം കെ സര്‍ക്കാര്‍. കോയമ്പത്തൂരിലെ കാര്‍ഷിക സര്‍വകലാശാല ലൈബ്രറിയില്‍ മുന്‍ സര്‍ക്കാറിന്റെ കാലത്ത് സ്ഥാപിച്ച കാവി പുതച്ചുള്ള തിരുവള്ളുവറിന്റെ ചിത്രം നീക്കം ചെയ്തു. കൃഷി മന്ത്രി എം ആര്‍ കെ പനീര്‍ ശെല്‍വത്തിന്റെ നിര്‍ദേശത്തെ തുടര്‍ന്നാണ് നടപടി. പകരം സര്‍ക്കാര്‍ അംഗീകാരമുള്ള വെള്ള വസ്ത്രമണിഞ്ഞുള്ള തിരുവള്ളുവരുടെ ഛായാചിത്രം സ്ഥാപിക്കാനും നിര്‍ദേശം നല്‍കി.
2017- 2018ലാണു ലൈബ്രറിയില്‍ കാവി വസ്ത്രമണിഞ്ഞ തിരുവള്ളുവരുടെ ചിത്രം വച്ചത്. ബി ജെ പി, സംഘ്പരിവാര്‍ ഗ്രൂപ്പുകള്‍ സാമൂഹിക മാധ്യമങ്ങളില്‍ ഇത് വലിയ ആഘോഷമാക്കിയിരുന്നു. എന്നാല്‍ ഒട്ടേറെ രാഷ്ട്രീയ പാര്‍ട്ടികളും സംഘടനകളും ഇതിനെതിരെ രംഗത്തു വന്നിരുന്നു. തിരുവള്ളുവറിനെ തട്ടിയെടുക്കാനുള്ള ശ്രമമാണ് ബി ജെ പി നടത്തുന്നതെന്ന് ഡി എം കെ ആരോപിക്കുകയും ചെയ്തിരുന്നു. ഇപ്പോള്‍ അധികാരത്തിലെത്തിയതോടെ ഡി എം കെ സംഘ്പരിവാര്‍ നീക്കത്തിന് തമിഴ് മണ്ണില്‍ സ്ഥാനമില്ലെന്ന വ്യക്തമായ സൂചന നല്‍കിയിരിക്കുകയാണ്.
Latest
കോട്ടയം മെഡിക്കല്‍ കോളജില്‍ കെട്ടിടം തകര്‍ന്ന് സ്ത്രീ മരിച്ച സംഭവം; ജില്ലാ കലക്ടറുടെ നേതൃത്വത്തിലുള്ള അന്വേഷണം ഇന്ന് തുടങ്ങും
ബിഗ് ബ്യൂട്ടിഫുള്‍ ബില്‍ ജനപ്രതിനിധി സഭയും പാസാക്കി; ട്രംപ് ഇന്ന് ഒപ്പ് വെക്കും
സഊദിയില്‍ വെടിയേറ്റു മരിച്ച ഐ സി എഫ് പ്രവര്‍ത്തകന്‍ ബഷീറിന്റെ മയ്യിത്ത് നാട്ടിലെത്തിച്ചു
കോട്ടയം മെഡി. കോളജ് അപകടം; രക്ഷാപ്രവര്‍ത്തനം വൈകിപ്പിച്ച മന്ത്രിമാര്‍ രാജിവെക്കണം: പ്രതിപക്ഷം
ഗുണ്ടകളെ പൂട്ടാന്‍ കടുത്ത നടപടിയുമായി പോലീസ്; എച്ച് വെങ്കിടേഷിന് ചുമതല
വാട്‌സ്ആപ്പ് സന്ദേശങ്ങളും കരാറായി പരിഗണിക്കും
