Kerala
അടൂരില് 98കാരിയായ മുത്തശ്ശിക്ക് ക്രൂരമര്ദനം; ചെറുമകന് അറസ്റ്റില്
അടൂര് | വയോധികയെ ക്രൂരമായി മര്ദ്ദിച്ച സംഭവത്തില് ചെറുമകന് അറസ്റ്റില്. അടൂര് ഏനാത്തില് 98 വയസ്സുകാരിയായ ശോശാമ്മയെ മര്ദ്ദിച്ച കൈതപ്പറമ്പ് തിരുവിനാല് പുത്തന്വീട്ടില് എബിന് മാത്യുവിനെയാണ് പോലീസ് അറസ്റ്റ് ചെയ്തത്. ഫോണില് പകര്ത്തിയ മര്ദന രംഗങ്ങള് അടക്കം വീട്ടുകാര് തന്നെയാണ് പോലീസിന് പരാതി നല്കിയത്.
എബിന് വയോധികയെ മര്ദ്ദിക്കുന്നത് തടയാന് വീട്ടിലുള്ള പെണ്കുട്ടിയടക്കം ശ്രമിക്കുന്നുണ്ടെങ്കിലും എബിന് മര്ദനം തുടരുകയായിരുന്നു. കുടുംബാംഗങ്ങള് വാവിട്ട് നിലവിളിക്കുന്നതും മര്ദിക്കരുതെന്ന് അപേക്ഷിക്കുന്നതും വിഡിയോയിലുണ്ട്. അതേ സമയം ,മദ്യലഹരിയിലാണ് താന് വയോധികയെ മര്ദ്ദിച്ചതെന്ന് ഇയാള് പോലീസിനോട് പറഞ്ഞു. രണ്ട് ദിവസം മുന്പാണ് സംഭവം നടന്നത്. കട്ടിലില് കിടന്ന വയോധികയെ വലിച്ച് താഴെയിടുകയും നിലത്തുവീണ ഇവരെ വലിച്ചിഴക്കുകയും അസഭ്യം പറയുകയുകയുമായിരുന്നു. മദ്യപിച്ചെത്തി വീട്ടില് സ്ഥിരമായി പ്രശ്നങ്ങള് ഉണ്ടാക്കുന്ന ആളാണ് എബിനെന്ന് അയല്ക്കാരും പറയുന്നു